ບົດລາຍງານການກະກຽມຊີເກມ

ບົດລາຍງານຄວາມຄືບໜ້າການກະກຽມງານມະຫາກຳກິລາຊີເກມຄັ້ງທີ 25

ປະຈຳເດືອນ ( 3-4/2009 ) ແລະ ແຜນວຽກໃນຕໍ່ໜ້າ

=========%%=========

      ໂດຍສືບຕໍ່ປະຕິບັດຕາມເນື້ອໃນຈິດໃຈຂອງກອງປະຊຸມ ຄະນະກຳມະການລະດັບຊາດງານມະ ຫາກຳຊີເກມຄັ້ງທີ 11, ລົງວັນທີ 20/02/2009 ທີ່ຫ້ອງປະຊຸມລັດຖະບານ, ຄະນະກຳມະການຝ່າຍ ຕ່າງໆ ກໍໄດ້ເຄື່ອນໄຫວວຽກງານຢ່າງຕັ້ງໜ້າ ຕາມທິດຊີ້ນຳຂອງທ່ານຮອງນາຍົກລັດຖະມົນຕີ, ຜູ້ປະຈຳ ການລັດຖະບານ, ປະທານ ຄະນະກຳມະການຈັດງານມະຫາກຳກິລາຊີເກມຄັ້ງທີ 25, ຕາມ ລາຍການ ດັ່ງນີ້.

I./. ສັງລວມແຜນການເຄື່ອນໄຫວຜ່ານມາ .

1.1. ດ້ານການຈັດຕັ້ງ .

- ໄດ້ຮັບຂໍ້ຕົກລົງຂອງທ່ານ ຮອງນາຍົກລັດຖະມົນຕີຜູ້ປະຈຳການລັດຖະບານ, ປະທານ ຄະນະ ກຳມະການຈັດງານມະຫາກຳຊີເກມຄັ້ງທີ 25, ວ່າດ້ວຍການແຕ່ງຕັ້ງທ່ານ ເຄນທອງ ນວນທະສີງ, ຫົວ ໜ້າກົມການຂ່າວ ກະຊວງ ການຕ່າງປະເທດ ເຂົ້າເປັນຮອງຫົວໜ້າກຳມະການ ໂຄສະນາ, ສື່ສານ ແລະ ໂທລະຄົມ ເພື່ອເປັນຜູ້ຮັບຜິດຊອບການຄຸ້ມຄອງນັກຂ່າວຕ່າງປະເທດ.

- ໄດ້ຮັບຂໍ້ຕົກລົງຂອງທ່ານ ຮອງນາຍົກລັດຖະມົນຕີ, ຜູ້ປະຈຳການລັດຖະບານ, ສະບັບເລກທີ 029/ນຍ, ລົງວັນທີ 16 ມີນາ 2009 ກ່ຽວກັບການແຕ່ງຕັ້ງທ່ານ ເຂືອງຄຳ ອິນທະວົງ, ກຳມະການຄະນະ ເລຂາທິການລັດຖະບານ ເປັນຜູ້ຊ່ວຍທ່ານປະທານ ຄະນະກຳມະການຈັດງານມະຫາກຳກິລາຊີເກມ ຄັ້ງທີ 25.

- ໄດ້ຮັບຂໍ້ຕົກລົງຂອງນາຍົກລັດຖະມົນຕີ ສະບັບເລທີ 028/ນຍ, ລົງວັນທີ 13 ມີນາ 2009 ວ່າ ດ້ວຍການປະຕິບັດນະໂຍບາຍຕໍ່ຄູຝຶກ, ນັກກິລາທີມຊາດ, ກຳມະການ, ອາສາສະໝັກ ແລະ ຜູ້ຮັບຜິດ ຊອບໃນອະນຸກຳມະການຕ່າງໆ ຜູ້ທີ່ເປັນນັກຮຽນ, ນັກສຶກສາ, ພະນັກງານ, ທະຫານ ແລະ ຕຳຫລວດ ທີ່ ປະກອບສ່ວນໃນຊີເກມຄັ້ງທີ 25.

- ໄດ້ຮັບຂໍ້ຕົກລົງຂອງປະທານ ຄະນະກຳມະການຈັດງານມະຫາກຳກິລາຊີເກມຄັ້ງທີ 25 ເລກທີ 202/ຄຈກຊ.25-ກລຂ, ລົງວັນທີ 03/04/2009 ວ່າດ້ວຍການແຕ່ງຕັ້ງຄະນະຮັບ ຜິດຊອບຄຸ້ມຄອງບ້ານ ພັກນັກກິລາ.

2.1. ການເຄື່ອນໄຫວວຽກງານຂອງກຳມະການຝ່າຍຕ່າງໆ.

2.1.1. ກຳມະການກອງເລຂາ-ປະສານງານ .

- ໄດ້ຈັດກອງປະຊຸມ ວິສາມັນຜູ້ນຳກິລາທົ່ວປະເທດ ໃນວັນທີ 05 ມີນາ 2009 ເພື່ອສະຫລຸບ ການຈັດຕັ້ງປະຕິບັດວຽກງານກິລາກາຍະກຳ ໃນປີ 2008 ແລະ ວາງທິດທາງວຽກງານຕົ້ນຕໍໃນປີ 2009 ພ້ອມທັງຕິລາຄາບາງບົດຮຽນໃນການຈັດງານແຂ່ງຂັນມະຫາກຳກິລາແຫ່ງຊາດ ຄັ້ງທີ 8 ທີ່ແຂວງ ຈຳປາ ສັກ.

- ໄດ້ຈັດກອງປະຊຸມ ເພື່ອຮັບຟັງການລາຍງານຄວາມຄືບໜ້າໃນການປະຕິບັດໜ້າທີ່ການກະ ກຽມວຽກງານຊີເກມ ໂດຍເຊີນຫົວໜ້າ ແລະ ຮອງກຳມະການຝ່າຍຕ່າງໆເຂົ້າຮ່ວມໃນວັນທີ 20/02 /2009 ພາຍໃຕ້ການເປັນປະທານຂອງທ່ານ ຮອງນາຍົກລັດຖະມົນຕີ, ຜູ້ປະຈຳການລັດຖະບານ, ປະ ທານຄະນະ ກຳມະການຈັດງານມະຫາກຳກິລາຊີເກມຄັ້ງທີ 25.

- ໄດ້ຈັດກອງປະຊຸມໂອ້ລົມບັນດາສະຫະພັນກິລາຕ່າງໆ ກຽມງານມະຫາກຳກິລາຊີເກມ ໃນ ວັນທີ 04/03/2009 ເພື່ອເນັ້ນໜັກໃຫ້ບັນດາສະຫະພັນກິລາຕ່າງໆ ທີ່ເປັນເປົ້າໝາຍເລັ່ງນຳເອົານັກກິ ລາຂອງຕົນເຂົ້າສູນເຝຶກຊ້ອມ.

- ໄດ້ຈັດກອງປະຊຸມຮ່ວມກັບກຳມະການທີ່ພັກ, ອາຫານ, ປະດັບປະດາ ແລະ ທ່ອງທ່ຽວ ໃນ ວັນທີ 01/04/2009 ເພື່ອເອກະພາບກ່ຽວກັບບັນຫາອານາໄມ ແລະ ປະດັບປະດາຕົວເມືອງ ຊື່ງໄດ້ມອບ ຂາດຕົວ ໃຫ້ນະຄອນຫລວງເປັນເຈົ້າການ ໃຫ້ມີເອກະລັກຂອງບັນດາປະເທດສະມາຊິກອາຊຽນ ທີ່ເຂົ້າ ຮ່ວມໃນງານມະຫາກຳກິລາຊີເກມ. ສຳລັບສື່ມວນຊົນ, ໜັງສືພິມ, ວິທະຍຸ, ໂທລະພາບ ແມ່ນມອບໃຫ້ ກຳມະການໂຄສະນາ-ຂ່າວສານ.

- ໄດ້ຈັດກອງປະຊຸມຮ່ວມກັບກຳມະການຂົນສົ່ງ ໃນວັນທີ 12/03/2009 ເພື່ອເອກະພາບທາງ ດ້ານການຈັດຫາພາຫະນະ, ສະຖານີຈອດລົດຢູ່ໝູ່ບ້ານນັກກິລາ, ໂຮງແຮມ ແລະ ຕາມເສັ້ນທາງຕ່າງໆ.

- ໄດ້ຈັດກອງປະຊຸມຮ່ວມກັບສະມາຄົມຫັດຖະກຳລາວ ໃນວັນທີ 13/13/2009 ເພື່ອເອກະ ພາບໃນການຜະລິດເຄື່ອງນຸ່ງຊຸດພິທີການ ແລະທີ່ລະລຶກຈຳນວນໜື່ງ ໂດຍມອບໃຫ້ສະມາຄົມຫັດຖະ ກຳລາວຈັດກອງປະຊຸມ ເພື່ອມອບໃຫ້ກຸ່ມໃດໜື່ງເປັນຜູ້ຜະລິດ ນັກກິລາຕາມການຊີ້ນຳຂອງທ່ານ ປະ ທານ ຄະນະກຳມະການຈັດງານມະຫາກຳກິລາຊີເກມຄັ້ງທີ 25.

- ໄດ້ຈັດກອງປະຊຸມຮ່ວມກັບ 04 ກຳມະການບໍລິຫານ-ບໍລິການ, ກຳມະການເຕັກນິກ ແລະ ຈັດ ການແຂ່ງຂັນ, ກຳມະການກະກຽມນັກກິລາ ແລະ ກຳມະການກອງເລຂາປະສານງານ ເພື່ອແກ້ໄຂບັນ ຫາທີ່ຄົງຄ້າງທີ່ຜ່ານມາ ແລະ ພ້ອມກັນກວດກາວຽກທີ່ໄດ້ເຮັດຜ່ານມາ ແລະ ວາງແຜນວຽກໃນຕໍ່ໜ້າ.

- ໄດ້ຈັດປະຊຸມຮ່ວມກັບກຳມະການຝ່າຍຕ່າງໆ ເພື່ອໃຫ້ແຕ່ລະຝ່າຍວາງແຜນການດຳເນີນງານ ໃນການກະກຽມໜ້າວຽກງານຊີເກມແຕ່ລະໄລຍະສົ່ງໃຫ້ກຳມະການກອງເລຂາ ເພື່ອລາຍງານຂັ້ນເທີງ ຊາບເປັນປົກກະຕິ.

- ໄດ້ຈັດກອງປະຊຸມເຜີຍແຜ່ຄວາມພ້ອມການຖ່າຍທອດສັນຍານໂທລະພາບຊີເກມ 2009 ໃນ ລະຫວ່າງວັນທີ 26-28 ມີນາ 2009 ມີຜູ້ແທນ 16 ສະຖານີໂທລະພາບຈາກ 08 ປະເທດ ອາຊຽນ ໃຫ້ ຄວາມສົນໃຈເຂົ້າຮ່ວມກອງປະຊຸມຄັ້ງນີ້.

- ໄດ້ຈັດພິທີເຊັນສັນຍາໂຄງການຈັດຫາ ແລະ ຕອບສະໜອງອຸປະກອນຕ່າງໆ ເຂົ້າເຮືອນພັກ ນັກກິລາຊີເກມຄັ້ງທີ 25 ໃນວັນທີ 20 ມີນາ 2009 ລະຫວ່າງຄະນະຮັບຜິດຊອບໂຄງການກໍ່ສ້າງເຮືອນ ພັກນັກກິລາຊີເກມຄັ້ງທີ 25 ກັບບໍລິສັດ ທີເອັນເຄ, ບໍລິສັດຈັດຫາ ແລະ ຕອບສະໜອງວັດຖຸອຸປະກອນ ການຄ້າຈຳກັດ.

- ໄດ້ໃຫ້ການຕ້ອນຮັບສົມເດັດ ຊາລມັນບິນ, ເອປຣາຮິມອາລຄາລີຟາ ແຫ່ງປະເທດບາເຣນ ແລະ ເຈົ້າຊາຍອັນດູລາ ອັກມັດຊາ ແຫ່ງປະເທດມາເລເຊຍ ໃນວັນທີ 01 ເມສາ 2009 ເພື່ອແລກປ່ຽນ ແລະ ຖອດຖອນບົດຮຽນກັບຝ່າຍລາວ ໃນວົງການກິລາເຕະບານເອເຊຍ,  ກໍຄືການຊຸກຍູ້ພັດທະນາສົ່ງ ເສີມກິລາເຕະບານລາວ.

I./. ກຳມະການ ບໍລິຫານ -ບໍລິການ :

1.1. ໄດ້ຮ່ວມປະຊຸມກັບຊ່ຽວຊານມາເລເຊຍ ແລະ ກຳມະການໂທລະຄົມ-ໄອທີ ໃນວັນທີ 25/02/2009 ເພື່ອກະກຽມຂໍ້ມູນໃຫ້ແຕ່ລະບົບ Software.

1.2. ກວດກາຮູບແບບບັດ ID & AD Card, ແບບ Form Application, Form Family list ໃຫ້ລະອຽດສົມບູນຮ່ວມກັບຊ່ຽວຊານມາເລເຊຍ, ເພື່ອເຊື່ອມລະບົບ Software ຂອງ ID Card  ແລະ ແບບຟອມຕ່າງໆໂດຍແມ່ນ ມີວິຊາການລາວເຮັດວຽກຮ່ວມກັບຝ່າຍ IT.

1.3. ໄດ້ປະຊຸມຮ່ວມກັບອະນຸກຳມະການຂື້ນທະບຽນອອກບັດ ເພື່ອປະກອບບຸກຄະລາກອນໃສ່ 3 ສູນ ທີ່ໄດ້ກຳນົດໄວ້, ພ້ອມທັງເຮັດໜັງສືຂໍອະນຸມັດໄປຍັງກະຊວງ ປ້ອງກັນຄວາມສະຫງົບ, ສະຖາບັນຄົ້ນຄວ້າ ແອ໋ງຟອກມາຕິດ ( ອົງການວິທະຍາສາດ ແລະ ເຕັກໂນໂລຊີ ) ພະແນກ IT ຂອງ ມ.ຊ ແລະ ຮ່ວມກັບອະນຸກຳມະການອາສາສະໝັກ ຄັດເລືອກເອົານັກກິລາຝ່າຍ IT ປະ ກອບເຂົ້າແຕ່ລະສູນອອກບັດ.

1.4. ໄດ້ຄົ້ນຄວ້າປື້ມຄູ່ມືການແນະນຳການຂື້ນທະບຽນ ແລະ ອອກບັດສຳເລັດກະກຽມຜ່ານເພື່ອ ຈັດພິມ.

2./. ວຽກອາສາສະໝັກ :

- ໄດ້ຈັດປະຊຸມຮ່ວມກັບອາສາສະໝັກ ( ຈາກ ມ.ຊ ) ເພື່ອກະກຽມວຽກງານຕ່າງໆຄື :

1.   ສືບຕໍ່ກະກຽມຄັດເລືອກເອົາອາສາສະໝັກ ຈາກມະຫາວິທະຍາໄລ, ວິທະຍາໄລພາກລັດ ເອກກະຊົນ ເພື່ອຄັດເລືອກໃຫ້ຄົບຕາມໜ້າວຽກທີ່ໄດ້ກຳນົດໄວ້ ປະຈຸບັນນີ້ ຄັດເລືອກໄດ້ ແລ້ວ 800 ຄົນ.

2.   ກະກຽມແຜນການເຝິກອົບຮົມອາສາສະໝັກງວດທີ 1 ( ເດືອນ 3-5/2009 ) ປະກອບມີ :

- ເນື້ອໃນຫລັກສູດການເຝິກອົບຮົມປະກອບມີຄື :

ປະຫວັດຄວາມເປັນມາ ແລະ ການຈັດຕັ້ງງານມະຫາກຳຊີເກມ.

ທີ່ຕັ້ງພູມສັນຖານ ແລະ ປະຫວັດສາດ, ປະຫວັດການທ່ອງທ່ຽວ, ຮີດຄອງປະເພນີ ແລະ ວັດທະນະທຳ, ນະໂຍບາຍການຕ່າງປະເທດ ແລະ ພິທີການ, ຄຳສັບກ່ຽວກັບກິລາ.

ກະກຽມແຜນເຝິກອົບຮົມອາສາສະໝັກຄັ້ງທີ 1 ເລີ້ມແຕ່ວັນທີ 25-29/0/2009 ກຳນົດ 05 ວັນ ຈຳນວນທັງໝົດ 400 ຄົນ ແບ່ອງອອກເປັນ 2 ຈຸ ຄື : VO ແລະ LO.

ຂໍອະນຸຍາດອາສາສະໝັກທີ່ຖືກຄັດເລືອກຈາກພາກສ່ວນຕ່າງໆ ໃຫ້ເຂົາເຈົ້າມາເຝິກອົບ ຮົມຄັ້ງທີ 1.
ປະຊຸມຜ່ານເນື້ອໃນຫລັກສູດການເຝິກອົບຮົມໃນວັນທີ 19/0/2009 ຮ່ວມກັບກົມພິທີ ການທູດ, ຄະນະສັງຄົມສາດ (ມຊ), ສູນເຝິກອົບຮົມທ່ອງທ່ຽວແຫ່ງຊາດ ແລະ ຄະນະ ກຳມະການກິລາ-ກາຍະກຳແຫ່ງຊາດ.

ໄດ້ຄົ້ນຄວ້າປື້ມຄູ່ມືອາສາສະໝັກ.

3./.  ວຽກຜະລິດເຄື່ອງນຸ່ງຊຸດພິທີການ, ເຄື່ອງນຸ່ງອາສາສະໝັກ, ເຄື່ອງນຸ່ງກຳມະການ ແລະ ອານຸກຳມະ ການ ແລະ ຂອງລາງວັນ, ຂອງທີ່ລະນຶກ.

1./. ໄດ້ລາຍງານທ່ານ ລັດຖະມົນຕີປະຈຳ ສນຍ, ປະທານ ຄກຊ, ຮອງປະທານ ຄຈກຊ.25, ຫົວໜ້າກຳມະການກອງເລຂາ ກ່ຽວກັບ ບໍລິສັດ ເພັດຈຳປາ ແອັດເວີທາຍຊີງ ໃຫ້ການສະໜັບ ສະໜູນ ເຄື່ອງນຸ່ງຍີ່ຫໍ້ FBT ລວມມູນຄ່າ 7.574.552.000 ກີບ.

2./. ໄດ້ຂໍອະນຸມັດຈາກທ່ານ ລັດຖະມົນຕີປະຈຳ ສນຍ, ປະທານ ຄກຊ, ຮອງປະທານ ຄຈກຊ.25, ຫົວໜ້າກຳມະການກອງເລຂາ ກ່ຽວກັບການຜະລິດເຄື່ອງນຸ່ງຢູ່ລາວ ນອກເໜືອຈາກ ບໍລິສັດ ເພັດຈຳປາ ໃຫ້ການສະໜັບສະໜູນ, ຕາມການຕົກລົງຂອງກອງປະຊຸມກະກຽມຜະລິດ ເຄື່ອງນຸ່ງ ຄັ້ງວັນ ທີ 18/03/2009 ໂດຍໄດ້ມອບໃຫ້ກຸ່ມຕັດຫຍີບທີຣໂອເປັນຜູ້ຮັບຜິດຊອບ.

3./. ໄດ້ປະສານໄປຍັງສະມາຄົມຫັດຖະກຳລາວ ກ່ຽວກັບການຜະລິດເຄື່ອງນຸ່ງພິທີການ ແລະ ຂອງທີ່ລະລຶກຈຳນວນໜື່ງ ຕາມການຕົກລົງຂອງກອງປະຊຸມຄັ້ງວັນທີ 13/03/2009 ມອບໃຫ້ ສະມາຄົມຫັດຖະກຳລາວ ຈັດປະຊຸມເພື່ອມອບໃຫ້ກຸ່ມໃດໜື່ງເປັນຜູ້ຜະລິດຄາດວ່າຈະໄດ້ປະ ຊຸມໃນວັນທີ 20/03/2009 ນີ້.

4./. ໄດ້ປະສານໄປຍັງ ບໍລິສັດ ເພັດຈຳປາ ກ່ຽວກັບການຜະລິດຫລຽນຊະນະເລີດ, ຫລຽນທີ່ລະ ລຶກ, ຂອງຂວັນທີ່ລະລຶກຈຳນວນໜື່ງທີ່ໄດ້ມອບໝາຍໃຫ້ ບໍລິສັດເປັນຜູ້ອອກແບບຕາມທິດຊີ້ນຳ ຂອງທ່ານ ລັດຖະມົນຕີປະຈຳ ສນຍ, ປະທານ ຄກຊ, ຮອງປະທານ ຄຈກຊ.25, ຫົວໜ້າກຳມະ ການກອງເລຂາ.

4./. ວຽກອື່ນໆທີ່ປິ່ນອ້ອມ :

1./.  ກະກຽມອອກແບບໃບຢັ້ງຢືນການເຂົ້າຮ່ວມ Certificate ໃບຢັ້ງຢືນລະດັບນັກກິລາ

( Diploma ), ໃບຢັ້ງຢືນອາສາສະໝັກ, ໃບຍ້ອງຍໍຂອງປະທານຈັດງານ ແລະ ຮູບແບບນາມ ບັດຂອງຄະນະກຳມະການ.

2./. ໄດ້ປະສານກັບກົມແຜນທີ່ແຫ່ງຊາດ ກ່ຽວກັບການອອກແບບແຜນທີ່ລວມຮັບໃຊ້ງານ

( Master Map 25^th SEA Games ) ຄາດວ່າຊ່ຽວຊານຫວຽດນາມຈະມາໃນເດືອນ 04/2009 ຈຶ່ງຈະສຳເລັດພ້ອມທັງເຮັດສັນຍາໃນການຜະລິດ.

3./. ໄດ້ຕ້ອນຮັບຊ່ຽວຊານຈາກການກິລາແຫ່ງປະເທດໄທ (ຕາມສັນຍາຮ່ວມມືວຽກງານຊີເກມ ) ມາຊ່ວຍກະກຽມວຽກງານ ບໍລິຫານ-ບໍລິການ, ວຽກງານເຕັກນິກ-ຈັດການແຂ່ງຂັນ ແລະ ການ ສ້າງບຸກຄະລາກອນດ້ານຕ່າງໆ ໃນວັນທີ 21/02/2009 ເຖີງວັນທີ 2/03/2009.

II./. ກຳມະການກໍ່ສ້າງ, ສ້ອມແປງສະໜາມແຂ່ງຂັນ ແລະ ພັດທະນາເສັ້ນທາງຕົວເມືອງ .
ການຈັດຕັ້ງປະຕິບັດໂຄງການກໍ່ສ້າງ ສົກປີ 2008-09 .

ໂຄງການກໍ່ສ້າງສືບຕໍ່ .

- ໂຄງການກໍ່ສ້າງສະໜາມກິລາແຫ່ງຊາດ ( ຫລັກ 16 ) ສຳເລັດແລ້ວ 85%, ຄາດຄະເນຈະໃຫ້ ສຳເລັດໃນທ້າຍເດືອນ 3. ແຕ່ສຳເລັດວຽກຕິດຕັ້ງອຸປະກອນສະເພາະຂອງແຕ່ລະສະໜາມກໍ່ຈະ ຕ້ອງດຳເນີນແລະກໍ່ສ້າງໄປພ້ອມໆກັນກັບການປັບປຸງສະພາບແວດລ້ອມຂອງສະໜາມທັງໝົດ.

- ໂຄງການສ້ອມແປງສະໜາມກິລາເຈົ້າອານຸ ສຳເລັດແລ້ວ 70% , ຍັງຈະສືບຕໍ່ການປັບປຸງພື້ນ ສະໜາມແລ່ນ-ລານ, ຫຍ້າສະໜາມບານເຕະ ແລະ ຕິດຕັ້ງປ້າຍຄະແນນໄຟຟ້າ.

ໂຄງການກໍ່ສ້າງໃໝ່ .

- ໂຄງການກໍ່ສ້າງຮອງລະບາຍນ້ຳ ຈາກສະໜາມກິລາແຫ່ງຊາດ ( ຫລັກ 16 ) ຫາເສັ້ນທາງ 450 ປີ ປະຈຳວັນສາມາດປະຕິບັດໄດ້ສຳເລັດແລ້ວ 45%, ຍັງມີບາງຫລັງຄາເຮືອນຍັງຕ້ອງລໍຖ້າ ການ ຊົດເຊີຍ.

- ໂຄງການກໍ່ສ້າງຮົ້ວສະໜາມກິລາແຫ່ງຊາດ ( ຫລັກ16 ) ກຳລັງກະກຽມສະຖານທີ່ຕັ້ງຫ້ອງ ການປະຈຳສະໜາມ, ກຳນົດແລວຮົ້ວ ແລະ ທີ່ຕັ້ງຂອງປະຕູໂຂງ ຮວ່ມກັບບໍລິດສັດຕິດຕາມ ການກໍ່ສ້າງ.

- ໂຄງການກໍ່ສ້າງສ້ອມແປງສະໜາມກິລາ ມ.ຊ ແລະ ປັບປຸງພື້ນທີ່ພາກທີ 1 ໄດ້ສຳເລັດແລ້ວ ແລະ ການກໍ່ສ້າງພວມເລີ້ມລົງມື.

ໂຄງການກໍ່ສ້າງທືນຊ່ວຍເຫລືອລ້າຈາກຕ່າງປະເທດ .

- ໂຄງການກໍ່ສ້າງສູນຝຶກກິລາແຫ່ງຊາດ ( ສີເກີດ ) ໂດຍທຶນຊ່ວຍຂອງລັດຖະບານ ສສ ຫວຽດ ນາມ ສຳເລັດແລ້ວ 100%, ພ້ອມທັງໄດ້ຈັດພິທີມອບ-ຮັບເປັນທາງການຂອງຂະແໜງກິລາທັງ ສອງຝ່າຍ, ປະຈຸບັນ ພວມດຳເນີນການເພື່ອຈັດຮັບເອົານັກກິລາທີມຊາດເຂົ້າເກັບຕົວທີ່ສູນດັ່ງ ກ່າວ.

- ໂຄງການກໍ່ສ້າງສູນບູໂດ ໂດຍທຶນຊ່ວຍເຫລືອຈາກລັດຖະບານ ຍີ່ປຸ່ນ, ປະຈຸບັນ ໄດ້ສຳເລັດ ການຕອກເສົາເຂັມ, ກຳລັງຂຸດຕີນເສົາ ແລະ ວາງຕະແກງພ້ອມເທເບຕົງຕີນເສົາຂອງອາຄານ ມາ ເຖີງປະຈຸບັນສຳເລັດແລ້ວ 7%.

- ໂຄງການກໍ່ສ້າງເດີ່ນຮົ່ມ ເທັກຄວັນໂດ ໂດຍການຊ່ວຍເຫລືອລ້າຂອງ ບໍລິສັດ ບູຢອງ ສ.ເກົາ ຫລີ, ສຳເລັດແລ້ວ 100%, ແຕ່ຍັງບາງວຽກງານຈະຕ້ອງໄດ້ແກ້ໄຂຄືນ ເພື່ອໃຫ້ສາມາດຈັດການ ແຂ່ງຂັນກິລາເທັກຄວັນໂດໄດ້.

- ໂຄງການກໍ່ສ້າງເດີ່ນຮົ່ມບຶງຂະຫຍອງ ໂດຍທຶນຊ່ວຍເຫລືອຂອງລັດຖະບານໄທ, ມາເຖີງປະຈຸ ບັນໄດ້ເລີ້ມລົງມືປັກຜັງອາຄານ, ອານາໄມສະຖານທີ່ ແລະ ກະກຽມການຕອກເສົາເຂັມ.

ພາກສະເໜີ .

ເພື່ອເຮັດໃຫ້ການຈັດຕັ້ງປະຕິບັດ ສະເໜີບັນດາກຳມະການຝ່າຍຕ່າງໆ ແລະ ສະຫະພັນກິ ລາ ທີ່ກ່ຽວຂ້ອງໃຫ້ການຮ່ວມມື ແລະ ສະເໜີດ້ານຫລັກການແຂ່ງຂັນ, ມາດຕະຖານເຕັກນິກ ໃນ ການຈັດການແຂ່ງຂັນ, ອຸປະກອນ ແລະ ແນວຄິດຂອງແຕ່ລະທ່ານ ເພື່ອໃຫ້ຄະນະກຳມະການຝ່າຍ ກໍ່ສ້າງ- ສ້ອມແປງໄດ້ມີການກະກຽມ ແລະ ປະຕິບັດໃຫ້ໄດ້ຕາມເວລາທີ່ກຳນົດໄວ້.

3./. ກ່ຽວກັບໂຄງການປັບປຸງກໍ່ສ້າງ-ສ້ອມແປງສັ້ນທາງ.

- ການປັບປຸງກໍ່ສ້າງ-ສ້ອມແປງບັນດາເສັ້ນທາງຕ່າງໆ ເພື່ອຮັບໃຊ້ງານມະຫາກຳກິລາຊີເກມ ຄັ້ງທີ 25.

- ຕີລາຄາຄວາມຄືບໜ້າຂອງວຽກທັງໝົດທີ່ສຳເລັດ 50%.

= ລາຍລະອຽດວຽກທີ່ປະຕິບັດໄດ້ໃນແຕ່ລະສັນຍາ  (ແຕ່ 15/10/2008 ຫາວັນທີ 27/2/2009 ).

1./ ເສັ້ນທາງອ້ອມສະໜາມກິລາບຶງຂະຫຍອງ ລວງຍາວ 0.8 ກມ, ເລີ່ມລົງມືຈັດຕັ້ງປະຕິບັດ ວັນທີ 7/12/2008 ຫາ 27/02/2009 ຄິດໄລ່ເປັນເປີເຊັນໄດ້ 85 %.

2./ ເສັ້ນທາງຄຳສະຫວາດ-ຫົວຂົວ-ໜອງໜ້ຽງ-ສະຖານີວິທະຍຸລວງຍາວ 8 ກມ, ລວມສັນຍາ ດຽວກັບທາງຕານມີໄຊ-ດອນແດງ, ເລີ້ມລົງມືຈັດຕັ້ງປະຕິບັດວັນທີ 20/1/2009 ຫາ 27/02 /2009 ຄິດເປັນເປີເຊັນໄດ້ສຳເລັດ 42 %.

3./ ເສັ້ນທາງແຕ່ຖະໜົນໄກສອນດອນໜູນ-ສະໜາມກິລາດົງໂດກ ລວງຍາວ 2.1 ກມ, ເລີ້ມ ລົງມື ຈັດຕັ້ງປະຕິບັດວັນທີ 12/12/2008 ຫາ 27/02/2009 ປະຕິບັດໄດ້ສຳເລັດ 82 %.

4./ ເສັ້ນທາງອ້ອມມະຫາວິທະຍາໄລແຫ່ງຊາດຍາວ 8,185 ກມ, ເລີ້ມລົງມືຈັດຕັ້ງປະຕິບັດວັນທີ 25/12/2008 ຫາ 27/02/2009 ປະຕິບັດໄດ້ສຳເລັດ 18 %.

5./  ວາງທໍ່ນ້ຳປະປາທາງຊີເກມ ເລີ້ມລົງມືຈັດຕັ້ງປະຕິບັດວັນທີ 8/12/2008 ຫາ 27/02/2009

6/. ແກ້ໄຂລະບົບນ້ຳປະປາບ້ານ ຄຳຮຸ່ງ ສຳເລັດ 72 %, ແກ້ໄຂລະບົບນ້ຳປະປາ ເດີ່ນກິລາ ໃນຮົ່ມ ດົງໂດກ ສຳເລັດ 100 % , ແກ້ໄຂລະບົບນ້ຳປະປາກິລາສະໂມສອນວັງນ້ຳເຜີ້ງ ສຳເລັດ 100%, ແກ້ໄຂລະບົບນ້ຳປະປາສະລອຍນ້ຳວຽງຈັນຂ້າງເດີ່ນກິລາແຫ່ງຊາດ ສຳເລັດ 100 %.

7/. ເສັ້ນທາງດົງບັງ-ລາດຄວາຍ-ທາງເລກ10 ລວງຍາວ 9.5 ກມ ເລີ້ມລົງມືຈັດຕັ້ງປະຕິບັດວັນ ທີ 14/12/2008 ຫາ 27/2/2009 ປະຕິບັດໄດ້ສຳເລັດ 28 %.

8./ ເສັ້ນທາງ ນາຄວາຍ-ຄຳສະຫວາດ, ຊຽງດາ-ດົງໂພສີ 14.6 ກມ, ເລີ້ມລົງມືຈັດຕັ້ງປະຕິບັດ ວັນທີ 05/02/2009 ຫາ27/2/2009, ອານາໄມໜ້າທາງ 66600 ມ2, ປະຕິບັດໄດ້ສຳເລັດ 9%

9./ ເສັ້ນທາງວັງຊາຍ-ຊ່ຳເຄ້-ໂຊກນ້ອຍ-ອຸດສາຫະກຳ 7.4 ກມ, ເລີ້ມລົງມືຈັດຕັ້ງປະຕິບັດວັນທີ 10/12/2008 ຫາ 27/2/2009 ປະຕິບັດໄດ້ສຳເລັດ 75 %.

10./ ເສັ້ນທາງດອນແດງ - ຕານມີໄຊ 5.95 ກມ, ສັນຍາດຽວກັບທາງຄຳສະຫວາດ-ໜອງໜ່ຽງ ສະຖານີວິທະຍຸ, ເລີ້ມລົງມືຈັດຕັ້ງປະຕິບັດວັນທີ 10/12/2008 ຫາ 27/2/2009  ປະຕິບັດສຳ ເລັດ 83 %.

11./ ທາງສະຖານີວິທະຍຸກະຈ່າຍສຽງ-ສະໜາມກິລາແຫ່ງຊາດ 1.6 ກມ ລວມສັນຍາດຽວກັບ ທາງເຂົ້າສູນຝຶກສີເກີດ ເລີ້ມລົງມືປະຕິບັດວັນທີ 8/11/2008 ຫາ 27/2/2009.

12./ ທາງເຂົ້າສູນຝຶກສີເກີດລວງຍາວ 1.1 ກມ, ເລີ້ມລົງມືຈັດຕັ້ງປະຕິບັດວັນທີ 8/11/2008 ຫາ 27/2/2009 ຄິດໄລ່ເປັນເປີເຊັນໄດ້ 51 %.

= ຂີດເສັ້ນແບ່ງເລນທາງ : ຂອບເຂດນອກຕົວເມືອງມີຄື :

- ດົງບັງ-ລາດຄວາຍ-ທາງເລກ 10 ລວງຍາວ 9.5 ກມ.

- ສະໜາມກິລາບຶງຂະຫຍອງ ລວງຍາວ 0.8 ກມ.

- ຖະໜົນໄກສອນ ( ດອນໜູນ )-ດົງໂດກ 2.1 ກມ.

- ຄຳສະຫວາດ-ໜອງໜ່ຽງ-ສະຖານີວິທະຍຸ 8 ກມ.

- ຕານມີໄຊ-ດອນແດງ 5.9 ກມ.

- ສະຖານີວິທະຍຸ-ສະໜາມກິລາແຫ່ງຊາດ 1.6 ກມ.

- ທາງອ້ອມວິທະຍາໄລແຫ່ງຊາດ 8.2 ກມ.

- ນາຄວາຍ-ຄຳສະຫວາດ-ຊຽງດາ-ດົງໂພສີ 14.6 ກມ.

- ເຂດອຸດສະຫະກຳ - ວັງຊາຍ 7.4 ກມ.

- ທາງຊອຍທີຣໂອ 1.1 ກມ.

- ຂອບເຂດ ອພບ ( ຕີເສັ້ນແບ່ງເລນ, ທາສີຂອບທາງ, ຕີເສັ້ນມ້າລາຍ )

= ມາຮອດປະຈຸບັນແມ່ນກະກຽມເຮັດປ້າຍຈາລະຈອນ ແລະ ຈະເລີ້ມຕິດຕັ້ງໃນເດືອນ 5/2009.

III./. ກຳມະການກະກຽມນັກກິລາຂອງລາວ ເພື່ອເຂົ້າຮ່ວມຍາດເອົາຫລຽນ .

- ໄດ້ຈັດກອງປະຊຸມສະຫະພັນກິລາເປົ້າໝາຍຫລຽນ ແລະ ບໍ່ແມ່ນເປົ້າໝາຍຫລຽນ ໃນວັນທີ 12-13/3/2009 ແຕ່ລະສະຫະພັນລາຍງານວຽກກະກຽມນັກກິລາຂອງຕົນ ແລະ ຟັງການໂອ້ລົມໃຫ້ທິດ ຊີ້ນຳຈາກທ່ານ ລັດຖະມົນຕີປະຈຳສຳນັກງານນາຍົກລັດຖະມົນຕີ, ປະທານ ຄະນະກຳມະການກິລາ ກາຍະກຳແຫ່ງຊາດ, ຮອງປະທານ ຈັດງານມະຫາກຳກິລາຊີເກມຄັ້ງທີ 25 ກ່ຽວກັບຍຸດທະສາດໃນ ການກະກຽມນັກກິລາ.

+ ສະພາບການເຝຶກແອບນັກກິລາ ເຖີງປະຈຸບັນນີ້ ກິລາ 25 ປະເພດໄດ້ເຄື່ອນໄຫວເຝຶກແອບ ເປັນລະບົບປົກກະຕິແລ້ວ, ກິລາຈຳນວນໜື່ງກໍໄດ້ຈັດເຂົ້ານອນລວມສູນຢູ່ສູນເຝຶກແຫ່ງຊາດຕ່າງໆຄື:

- ສູນຝຶກກິລາແຫ່ງຊາດ ( ສີເກີດ ) ມີຈຳນວນຄູຝຶກ ແລະ ນັກກິລາ 150 ຄົນ : ມວຍສາກົນ 30 ຄົນ, ວູຊູ ( ຊານຊາວ ) 20 ຄົນ, ເທຄວັນໂດ 34 ຄົນ, ປັນຈັກສີລັດ 25 ຄົນ, ມວຍປ້ຳ 23 ຄົນ, ຍິງທະນູ 18 ຄົນ. ປະຈຸບັນນີ້ຄູຝຶກ ແລະ ນັກກິລາເຂົ້າຢູ່ສູນແລ້ວຕົວຈິງມີ 102 ຄົນ, ສ່ວນເຫລືອເປັນນັກກິລາຕ່າງ ແຂວງກຳລັງກະກຽມຂື້ນມາ ຈະເຂົ້າຕາມຫລັງໃນທ້າຍເດືອນ 3/2009.

- ກິລາເປຕັງຈຳນວນຄູຝຶກ ແລະ ນັກກິລາ 34 ຄົນ ເຂົ້າຢູ່ສູນຝຶກສະໜາມເປຕັງ ມະຫາວິທະຍາ ໄລແຫ່ງຊາດ.

- ກິລາມວຍລາວ ຈຳນວນຄູຝືກ ແລະ ນັກກິລາ 29 ຄົນ ເຂົ້ານອນລວມສູນຢູ່ເວທີມວຍໂຊກໄຊ.

- ກິລາປິ່ງປ໋ອງ ຄູຝຶກ ແລະ ນັກກິລາຈຳນວນ 19 ຄົນ ເຂົ້ານອນລວມສູນຢູ່ສູນເຝຶກແອບຂອງ ສະຫະພັນປິ່ງປ໋ອງແຫ່ງຊາດ.

- ກິລາຢູໂດ ຄູຝຶກ ແລະ ນັກກິລາຈຳນວນ 29 ຄົນ ເຂົ້ານອນລວມສູນຢູ່ຫໍພັກຂອງສະຫະພັນ ຢູໂດແຫ່ງຊາດ.

ສ່ວນກິລາອື່ນໆ ທີ່ບໍ່ທັນໄດ້ນອນລວມສູນ ກຳມະການກະກຽມນັກກິລາ ແລະ ສະຫະພັນກິລາ ແຫ່ງຊາດກຳລັງຄົ້ນຄວ້າຊອກຫາສະຖານທີ່ເໝາະສົມ.

IV./. ກຳມະການເຕັກນິກ ແລະ ຈັດການແຂ່ງຂັນ .
ດ້ານເອກະສານ

= ປື້ມລະບຽບການແຂ່ງຂັນ ( Technical  Handbook ) ສຳເລັດການຮຽບຮຽງລວມທັງແຜນ ຜັງສະໜາມແຂ່ງຂັນແຕ່ລະປະເພດກິລາ ເຂົ້າໃສ່ໃນປື້ມລະບຽບການແຂ່ງຂັນກິລາແຕ່ລະປະເພດ ກິລາ.

= ໄດ້ຈັດສົ່ງປື້ມລະບຽບການແຂ່ງຂັນກິລາແຕ່ລະປະເພດ ໄປຍັງສະຫະພັນກິລາແຫ່ງເອເຊຍ ເພື່ອ ຂໍອະນຸມັດຈັດການແຂ່ງຂັນ ແລະ ຮັບຮອງເອົາກົດລະບຽບ.

= ໄດ້ເຮັດວຽກຮ່ວມກັບທ່ານ ເວີຍຈີຈົງ ປະທານຈັດການແຂ່ງຂັນຂອງຄະນະກຳມາທິການການກິ ລາໂອແລມປິກແຫ່ງເອເຊຍ ມາຢ້ຽມຢາມ ໜ້າວຽກມີ: ລະບຽບຈັດການແຂ່ງຂັນ SEA Games ຂອງແຕ່ ລະປະເພດກິລາແລ້ວລົງກວດກາແຜນຜັງການກໍ່ສ້າງສະໜາມແຂ່ງຂັນແຕ່ລະປະເພດ.
ດ້ານບຸກຄະລາກອນ .

= ສຳລັບການຈັດອົບຮົມກຳມະການຕັດສິນ

- ກິລາ ແລ່ນ-ລານ ຂັ້ນຕົ້ນ

- ກິລາ ມວຍປ້ຳ ຂັ້ນພື້ນຖານ.

- ກິລາ ປິ່ງປ໋ອງ ຂັ້ນກາງ.

- ຍັງສືບຕໍ່ມີ - ກິລາ ຍິງປືນ - ເທັນນິສ.

ດ້ານອຸປະກອນ

= ອຸປະກອນທີ່ທາງລັດຖະບານຈີນຊ່ວຍ ມີແຕ່ກິລາ ແລ່ນ -ລານ.

75 ລາຍການແຂ່ງຂັນ

57 ລາຍການ ຝຶກຊ້ອມ

V./. ກຳມະການ​ຮັກສາ​ຄວາມ​ສະຫງົບ, ຄວາມ​ປອດ​ໄພ ​ແລະ ຈໍລະ​ຈອນ

1. ວຽກ​ງານ​ທີ່​ໄດ້​ເຮັດ​ໃນ​ເດືອນ 3 ມີນາ 2009 ມີ​ຄື :

- ສຳ​ເລັດ​ການ​ລົງ​ກວດກາ​ເກັບ​ກຳ​ຂໍ້​ມູນ ຢູ່​ບັນດາ​ສະໜາມ​ແຂ່ງຂັນ ນະຄອນຫລວງ​ວຽງ​ຈັນ ເພື່ອ​ສ້ງ​ແຜນການ​ຈັດ​ວາງ​ກຳລັງ​ປ້ອງ​ກັນ, ຕ້ານ​ການ​ລຸກ​ຮື້ຢູ່​ແຕ່ລະ​ຈຸດ​ແຂ່ງຂັນ, ​ໂຮງ​ແຮມ, ບ້ານ​ພັກ​ນັກກິລາ.

- ສຳ​ເລັດ​ການ​ຊີ້ນຳ​ບັນດາ​ກົມ​ກອງ​ກ່ຽວ​ຂ້ອງ ສ້າງ​ແຜນການ, ຂື້ນສະພາບ​ເຖີງ​ແຜນ​ທີ -​ແຜນ ຮ່າງ ​ໃນ​ການ​ນຳ​ໃຊ້​ກຳລັງ​ປ້ອງ​ກັນ​ແຕ່ລະ​ຈຸດ.

- ໄດ້​ສະ​ເໜີ​ຂໍ​ຖອນ​ເງີ​ນ 600.000.000 ກີບ ​ເພື່ອ​ຮັບ​ໃຊ້​ວຽກ​ງານ​ກະກຽມ.

- ໄດ້​ສ້າງ​ແຜນການ​ປະສານ​ໃຫ້​ບັນດາ​ກົມ​ກອງ​ທີ່​ເຂົ້າ​ເຮັດ​ໜ້າ​ທີ່​ປ້ອງ​ກັນ ຊີ​ເກ​ມ.

VI./. ກຳມະການ​ທີ່​ພັກ, ອາຫານ, ປະດັບ​ປະດາ ​ແລະ ທ່ອງ​ທ່ຽວ .

1./. ຜົນສຳ​ເລັດ​ໃນ​ການ​ເຄື່ອນ​ໄຫວຜ່ານ​ມາ :

* ສືບ​ຕໍ່ປະຊຸ​ມປືກສາ​ຫາລື ແລະ ຄົ້ນ​ຄົ້ວາ​ໜ້າ​ວຽກ​ລະອຽດ ພ້ອມ​ທັງ​ຈັດ​ລຽງ​ໜ້າ​ວຽກ​ບຸລິ​ມະ​ສິດ ​ເພື່ອ​ສຸມ​ໃສ່​ປະຕິບັດ​ເປັນ​ແຕ່​ລະ​ວຽກ​ຈະ​ແຈ້ງ ​ແລະ ຂາດ​ຕົວ.

* ປະສານ​ພົວພັນ​ຄະນະ​ກອງ​​ເລຂາ ​ເພື່ອ​ຮັບ​ຮູ້​ຂໍ້​ມູນ​ພື້ນຖານ​ກ່ຽວ​ກັບ​ບັນຊີ​ຈຳນວນ​ນັກ​ກິລາ​ ຄະນະ​ນັກ​ກິລາ, ຫົວ​ໜ້າ​ຄະນະ​ນັກ​ກິລາປະ​ເພດ​ຕ່າງໆ ແລະ ​ແຂກ​ VIP ປະ​ເທດຕ່າງໆ ຂໍ້​ມູນ​ສະໜາມ​ຝຶກ​ຊ້ອມ ​ແລະ ​ແຂ່ງຂັນ​ໃຫ້​ຈະ​ແຈ້ງ ​ເພື່ອຄົ​້ນຄວ້າ​ວິ​ໄຈ, ກະກຽມ​ແຜນການ​ປະດັບ​ປະດາ ​ແລະຈັດ​ວາງທີ່​ພັກ​ອາ​ໃສ​ໃຫ້​ແທດ​ເໝາະ​ກັບ​ຕົວ​ຈີ​ງ ສົມ​ເຫດ​ສົມ​ຜົນ.

*, ລະບົບ​ໂຮງ​ແຮມ​ທີ່​ກຽມ​ຮັບ​ໃຊ້​ແຂ​ກ, ບັນຫາ​ງົບປະມານ ແລະ ການສ​ົ່ງຜູ້ຕາງໜ້າ​ຄະ ນະ​ກຳມະການ​ທີ່​ພັກ, ອາຫານ, ປະດັບ​ປະດາ​ແລະ​ທ່ອງ​ທ່ຽວ ເຂົ້າ​ຮ່ວມ​ປະຈຳການ​ຢູ່​ກອງ​ເລຂາ​ຊີ​ເກ​ມ.

ແລະ ​ແກ້​ໄຂ​ປະກົດ​ການ​ຫຍໍ້​ທໍ້ໃນ​ຂົງ​ເຂດ​ບໍລິການທ່ອງທ່ຽວ ​ໄປ​ພ້ອມໆ​ກັບ​ຜັນ​ຂະ ຫຍາ​ຍລົງ​ໂອ້​ລົມ​ຢູ່​ເມືອງ​ຕື່ມ.

ຄະນະ​ກຳມະການ​ທີ່​ພັກ, ອາຫານ, ປະດັບ​ປະດາ ​ແລະ ທ່ອງ​ທ່ຽວ ​ໄດ້​ລົງ​ກວດກາ​ໂຮງ​ແຮມ,

ເຮ​ືອນພັກ, ຮ້ານ​ອາຫານ ແລະ ສະຖານ​ທີ່​ທ່ອງ​ທ່ຽວ ສັງ​ລວມສະຖິຕິ​ເບື້ອງຕົ້ນ​ຢູ່​ນະຄອນ ຫລວງ​ວຽງ​ຈັນ ດັ່ງນີ້ :

ໂຮງ​ແຮ​ມທີ່​ເປີດ​ບໍລິການ​ຕົວ​ຈີ​ງ​ແລ້ວ​ມີ 79 ແຫ່ງ, ມີ 1.898 ຫ້ອງ​ນອນ.

ຽມສຳ​ຮອງ​ເພີ້ມ​ເຕີມ​ມີ 31 ແຫ່ງ, ປະກອບ​ດດ້ວຍ 836 ຫ້ອງ​ນອນ.
• ກຳລັງ​ກໍ່ສ້າງ​ໂຮງ​ແຮມ​ຈະ​ສຳ​ເລັດ​ໃນ​ທ້າ​ຍປີ 2009  ມີ 12 ແຫ່ງ, ມີ 545 ຫ້ອງ​ນອນ

+ ​ໂຮງ​ແຮມ​ຄູນ​ໄຊ             119  ຫ້ອງ   ສ້າງ​ສຳ​ເລັດ​ແລ້ວ 90 %.

+ ​ໂຮງ​ແຮມ ວັນ​ຊະນະ​ຊັນ​ເສັດ    ຍັງ  36 ຫ້ອງ.

+ ໂຮງແຮມ ຈິດປະສົງ          50 ຫ້ອງ  ສ້າງສຳເລັດແລ້ວ 90 %.

+ ໂຮງແຮມ ລືໄຊ             42 ຫ້ອງ  ສ້າງສຳເລັດແລ້ວ 80 %.

+ ໂຮງແຮມ ຟາມີລີ                  40  ຫ້ອງ  ສ້າງສຳເລັດແລ້ວ 95 %.

+ ໂຮງແຮມ ແສງຕາວັນ         48  ຫ້ອງ  ສ້າງສຳເລັດແລ້ວ 75 %.

+ ໂຮງແຮມ ອາວາລອນ         ຍັງ 80  ຫ້ອງ  ເປີດບໍລິການແລ້ວ 20 ຫ້ອງ.

+ ໂຮງແຮມ ເລີໂລຕັສເບີຣ       14  ຫ້ອງ  ສ້າງສຳເລັດແລ້ວ 76 %.

+ ໂຮງແຮມ ກູດວີວ                  80  ຫ້ອງ  ສ້າງສຳເລັດແລ້ 70 %.

+ ໂຮງແຮມ ໄຫວແກ້ວ         18  ຫ້ອງ  ສ້າງສຳເລັດແລ້ວ 95 %.

+ ໂຮງແຮມ ເຈືອງວັນນະວົງ           246  ຫ້ອງ ສ້າງສຳເລັດແລ້ວ 65 %.

+ ໂຮງແຮມ ຈະເລີນຮຸ່ງເຮືອງ     40  ຫ້ອງ  ສ້າງສຳເລັດແລ້ວ 75 %.

1.2. ເຮືອນພັກ ມີ 169 ແຫ່ງ, ມີ 2.474 ຫ້ອງນອນ.

1.3. ຮ້ານອາຫານທີ່ໄດ້ລະດັບມາດຕະຖານສາກົນມີ  69  ແຫ່ງ.

1.4. ສະຖານທີ່ທ່ອງທ່ຽວມີ  37 ແຫ່ງ, ໃນນີ້ມີ ແຫລ່ງທ່ອງທ່ຽວດ້ານວັດທະນະທຳ  16 ແຫ່ງ ສາມາດ ບໍລິການນຳທ່ຽວໄດ້ 100 %, ແຫລ່ງທ່ອງທ່ຽວດ້ານທຳມະຊາດມີ 13ແຫ່ງ, ສາມາດບໍ ລິການນຳທ່ຽວໄດ້ 7  ແຫ່ງ, ແຫລ່ງທ່ອງທ່ຽວດ້ານປູສະນີຍະສະຖານ ແລະ ປະຫວັດສາດ 8 ແຫ່ງ ສາມາດບໍລິການນຳທ່ຽວ ໄດ້ 100 % ແລະສູນການຄ້າ 04 ແຫ່ງ ສາມາດບໍລິການໄດ້ 100 %.

1.5. ບໍລິສັດ ທ່ອງທ່ຽວຢູ່ນະຄອນຫລວງວຽງຈັນມີ      66 ບໍລິສັດ.

#.  ອີງ​ໃສ່​ຂໍ​້ມູນ​ໂຮງ​ແຮມ​ລະດັບ 20 ຫາ 40 ຫ້ອງຂື້ນ​ເມືອ ທີ່​ສາມາດ​ຮັບຮອງ​ແຂກ​ປະ​ເພດ​ຕ່າງໆ ແລະ ນັກ​ກິລາ, ຢູ່​ໃນ 5 ເມືອງ​ມີ 44 ແຫ່ງ = 2.536 ຫ້ອງ, ກຳລັງ​ກໍ່ສ້າງ​ຈະ​ສຳ​ເລັດ​ໃນ​ທ້າຍ​ປີ 2009  ມີ 12 ແຫ່ງ = 545 ຫ້ອງ​ນອນ, ​ໂຮງ​ແຮມ​ທີ່​ກຽມ​ສຳຮອງ​ເພີ້ມ​ເຕີມ​ມີ 31 ແຫ່ງ, ປະກອບ​ດດ້​ວຍ 836 ຫ້ອງ​ນອນ, ລວມທັງ​ໝົດ​ມີ 3.917 ຫ້ອງ.

1.6. ສຳ​ເລັດ​ການ​ອອກ​ແບບ​ ​ແລະ​ປະ​ເມີນ​ລາຄາ​ເອກະສານ ໂຄສະນາ​ການທ່ອງທ່ຽວ​ນະຄອນ ຫລວງ​ວຽງ​ຈັນ ເປັນ​ຕົ້ນ​ປື້ມ​ໂຄສະນາ ​ແລະ ​ແຜນ​ DVD.

1.7. ປືກສາ​ຫາລື​ການ​ອອ​ກ​ແບບ ​ແລະ ​ເນື້ອ​ໃນ​ການ​ໂຄສະນາ ພ້ອມ​ທັງ​ງົບປະມານ​ທີ່​ຈະ​ຮັບ​ໃຊ້​ວຽກ​ງານ​ປະ​ດັບ​ປະດາ​ຕາມ​ຈຸດ​ຕ່າງໆ.

1.8. ເຂົ້າ​ຮ່ວມ​ກອງ​ປະຊຸມ​ລາຍ​ງານ​ຄວາມ​ຄືບ​ໜ້າ​ຂອງ​ວຽກ​ງານ 02 ຄັ້ງ.

VII./. ກຳມະການ​ຂົນ​ສົ່ງ

1./. ການຈັດຕັ້ງປະຕິບ​ັດວຽກ​ງານ​ໃນ​ເດືອນ 2/ 200​9

1.1. ໄດ້​ສົມທົບ​ກັບ​ຄະນະ​ຮັບຜິດ​ຊອບ​ບໍລິຫານ​ມະຫາວິທະຍ​າ​ໄລ​ແຫ່​ງຊາດ (ດົງ​ໂດກ) ລົງ​ສຳ​ຫລວດ​ບ່ອນ​ຈອດ​ລົດ​ຢູ່​ເຂດ ມ.ຊ ຜົນ​ຂອງ​ການ​ລົງ​ສຳ​ຫລວດ​ເຫັນ​ວ່າ :

- ບ່ອນ​ຈອນ​ລົດ​ທີ່​ໄດ້​ຈັດ​ສັນ​ແລ້ວ​ມີ​ຈຳນວນ 05 ເດີ່ນ, ບ່ອນ​ຈອດ​ລົດ​ທົ່ວ​ໄປ​ມີ 4 ເດີ່ນ ແຕ່ລະ​ເດີ່ນ​ສາມາດ​ຈອດ​ໄດ້​ປະມານ 300 ຄັນ.

- ສຳລັບ​ບ່ອນ​ຈອດ​ລົດ​ແບບ​ຖາວອນ ແມ່ນ​ກຳລັງ​ກໍ່ສ້າງ​ໂດຍ​ມີ 2 ເດີ່ນ ເຊິ່ງສາມາດ​ຈອດ​ລົດ​ບັສໄດ້ປະມານ 70 ຄັນ ແລະ ລົດ​ເບົາ​ໄດ້​ປະມານ 150 ຄັນ ແລະ ບ່ອນ​ຈອດ​ລົດຈັກ ​ແລະ ລົດຖີບ​ຂອງ​ພະນັກງານ​ຮັບ​ໃຊ້​ກິລາ​ຊີ​ເກ​ມ.

1.2. ໄດ້​ຈັດ​ກອງ​ປະຊຸມ​ຮ່ວມ​ກັບ​ຜູ້​ປະກອບ​ການ​ຂົນ​ສົ່ງ​ໂດຍສານ​ນະຄອນຫລວງ​ວຽນ​ຈັນ ( ສະມາຄົມ​ລົດ​ຕູ້, ສະມາຄົມ​ລົດ​ຕັກ​ຊີ, ສາ​ມາ​ຄົມ​ລົດ​ຕຸກໆ-ຈຳ​ໂບ້ ແລະ ສະມາຄົມ​ລົດ​ສອງ​ແຖວ ) ເພື່ອ​ກະກຽມ​ລົດ​ຮັບ​ໃຊ້​ບໍລິການ​ຂົນ​ສົ່ງ​ມວນ​ຊົນ ແລະ ຈາກ​ການ​ແຈ້ງ​ຂອງ​ແຕ່​ລະສະ​ມາ​ຄົມ​ມີ​ຈຳນວນ​ລົດ​ດັ່ງນີ້ :

- ລົດ​ຕູ້​ມີ​ປະມານ           100  ຄັນ.

- ລົດ​ຕັກ​ຊີ​ມີ​ປະມານ         60  ຄັນ.

- ລົດ​ຕຸກໆ​ມີ​ປະມານ         500 ຄັນ.

- ລົດ​ສອງ​ແຖວ​ມີ​ປະມານ     60 ຄັນ. ( ຈຳນວນ 09 ບ່ອນ​ນັ່ງ​ມີ 40 ຄັນ, 17 ບ່ອນ​ນັ່ງ ມີ 20 ຄັນ ).

1.3. ໄດ້​ຈັດ​ກອງ​ປະຊຸມ​ປືກສາ​ຫາລື​ກ່ຽວ​ກັບການຈັດ​ຍານພາຫະນະ ​ແລະ ​ປັບປຸງ​ລະບຽບ​ງົບປະມານ ຮັບ​ໃຊ້ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25, ປີ 2009 ຂອງ​ຄະນະ​ກຳມະການ​ຂົນ​ສົ່ງ ​ໃນ​ວັນ​ທີ 16 ​/3/2009 ຢູ່​ຫ້ອງ​ປະຊຸມ​ກົມ​ຂົນ​ສົ່ງ​ກະຊວງ ຍທຂ ກອງ​ປະຊຸມ​ໄດ້​ຕົກລົງ​ກັນ​ຄື :

- ການຈັດ​ຍານພາຫະນະ​ຮັບ​ໃຊ້​ແມ່ນ ລະດົມ​ນຳ​ລົດ​ຮັບ​ໃຊ້​ຂອງ​ສຳນັກງານ​ນາຍົກ, ລະດົມ​ນຳ​ລົດ​ຮັບ​ໃຊ້​ຂອງ​ແຂວງ, ລະດົມ​ນຳ​ລົດ​ຮັບ​ໃຊ້​ຂອງ​ກອງທັບ, ລະດົມ​ນຳ​ລົດ​ຮັບ​ໃຊ້​ຂອງ​ປະຊາຊົນ.

- ຕົກລົງ​ໃຫ້​ໃສ່​ສະ​ຕິກ​ເກີ້ຕິດ​ລົດ​ເປັນ​ຊື່​ປະ​ເທດ ​ເປັນ​ຕົວ​ໜັງສື  ຕົວຢ່າງ LAOS, THAILAND, VIETNAM.

1.4. ໄດ້​ອອກ​ແບບ​ປື້ມຄູ່​ມື​ນຳ​ໃຊ້​ການ​ຂົນ​ສົ່ງ ( ຂົນ​ສົ່ງ​ນັກ​ກິລາ, ມວນ​ຊົນ ແລະ ຂົນ​ສົ່ງ​ທາງ​ອາກາດ ) ສຳ​ເລັດ​ຂັ້ນພື້ນ​ຖານ.

VIII./. ກຳມະການ​ການ​ເງີ​ນ

1./. ວຽກ​ທີ່​ໄດ້​ປະຕິບັດ​ໃນ​ 02 ເດືອນ ( 21 ກຸມພາ - 27 ເມສາ 2009 ).

- ໄດ້​ຈັດ​ສັນ​ງົບປະມານ​ລາຍ​ຈ່າຍ ຮັບ​ໃຊ້​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25, ​ໃຫ້​ກຳ ມະການ​ຝ່າຍ​ຕ່າງໆ.

- ດຳ​ເນີນ​ການ​ສັງ​ລວມ ​ແລະ ກວດ​ຜ່ານ​ບັນດາ​ເອກະສານ​ລາຍ​ຈ່າຍ​ງົບປະມານ​ຂອງ​ກຳ ມະການ​ຝ່າຍ​ຕ່າງໆ ທີ່​ໄດ້​ສະ​ເໜີ​ມາ​ຂໍ​ຈ່າຍ ​ເພື່ອ​ຮັບ​ໃຊ້​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ  25 ເພື່ອ​ໃຫ້​ຖືກຕ້ອງ ​ແລະ ສອດຄ່ອງ​ຕາມ​ລະບຽບ​ຫລັກການ​ຕ່າງໆ​ຂອງ​ລັດ​ວາງ​ອອກ.

- ດຳ​ເນີນ​ການ​ເປີດ​ບັນຊີ​ເງີ​ນຝາກ​ໃຫ້​ກຳມະການ​ຝ່າຍ​ຕ່າງໆ ຢູ່​ຄັງ​ເງີ​ນ​ແຫ່ງຊາດ ​ເພື່ອ​ຄວາມ​ສະດວກ​ໃນ​ການ​ຄຸ້ມ​ຄອງ ​ແລະ ກວດກາ​ເອກະສານ​ລາຍ​ຈ່າຍ.

- ປະຕິບັດ​ການ​ອະນຸມັດ​ຈ່າຍ​ເງີ​ນຕາມ​ແຜນ ໃຫ້​ແກ່​ກຳມະການ​ຝ່າຍ​ຕ່າງໆ ເຂົ້າບັນຊີ​ເງິນ​ຝາກ​ຢູ່​ຄັງ​ເງີ​ນ​ແຫ່ງ​ຊາດ, ຊຶ່ງ​ມາ​ຮອດ​ປັດຈຸບັນ​ແມ່ນ​ໄດ້​ສຳ​ເລັດ​ການ​ອະນຸມັດຈ່າຍ​ເງີ​ນ ໃຫ້ ແຕ່​ລະ​ກຳມະການ​ຕາມ​ແຜນ​ທີ່​ສະພາ​ແຫ່ງ​ຊາດ​ໄດ້​ອະນຸມັດ 94.5 ຕື້ກີບ​ແລ້ວ​.

- ໄດ້​ເຂົ້າຮ່ວມ​ກອງ​ປະຊຸມ​ລາຍ​ງານ​ຄວາມ​ຄືບ​ໜ້າ ​ໃນ​ການ​ກະກຽມ​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25 ເປັນ​ປົກກະຕິ​ໃນ​ແຕ່ລະ​ເດືອນ.

IX./. ກຳມະການ​ ​ໂຄສະນາ-ຂ່າວສານ

1./. ໄດ້​ເຮັດ​​ແຜນ​ດັດ​ແກ້​ງົບປະມານ​ສັງ​ລວມທຸກ​ພາກສ່ວນ​ຂອງ​ກຳມະການ ໂຄສະນາ-ຂ່າວ ສານ ຮັບ​ໃຊ້​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25 ຊຶ່ງ​ມູນ​ຄ່າ​ລວມທັງ​ໝົດ 16.273.360.300 ກີບ.

2./. ໄດ້​ເຮັດ​ແຜນ​ຂໍ​ຖອນ​ເງີ​ນງົບປະມານ​ຄັ້ງທີ 1 ປີ 2009 ເພື່ອ​ກຽມ​ໃຫ້​ແກ່​ການ​ຮັບ​ໃຊ້​ການ​ປະຕິບັດ​ງານ​ດ້ານ​ຕ່າງໆ​ໃນ​ໄຕ​ມາດ​ທີ 1 ປີ 2009 ລວມ​ເປັນ 5,420,935,400 ກີບ.

3./. ໄດ້​ປະຕິບັດ​ແຜນການ​ໂຄສະ​ນາ​ປະຊາສຳພັນ​ໃນ​ສື່​ຕ່າງໆ​ເຊັ່ນ : ການຈັດ​ລາຍການ​ສະ​ເພາະ​ທາງ​ດ້ານ​ວິທະຍຸ ​ແລະ ​ໂທລະພາບ ກ່ຽວ​ກັບ​ວຽກ​ງານ​ຊີ​ເກ​ມຄັ້ງທີ 25 ຢູ່ໃນ​ໜັງສືພິມ​ລາຍ​ວັນ ໄດ້​ມີ​ຄໍ​ລຳ​ອອກ​ຂ່າວ​ການ​ເຄື່ອນ​ໄຫວ​ວຽກ​ງານ​ຊີ​ເກ​ມຄັ້ງທີ 25 ຢູ່​ຕະຫລອດ​ມາ.

4./. ໄດ້​ແຕ່ງຕັ້ງຜູ້ຕາງ​ໜ້າ​ຄະນະ​ກຳມະການ​ໂຄສະນາ​-ຂ່າວສານ 02 ທ່ານ ເພື່ອ​ຕິດຕາມ, ພົວ ພັນ ແລະ ປະສານ​ງານ​ກັບ ຄະນະ​ກຳມະການ​ກອງ​ເລຂາ​ໄດ້​ທຸກ​ເວລາ ຊຶ່ງ​ລາຍ​ລະອຽດ ​ໄດ້​ແຈ້ງ​ໃຫ້​ຄະນະ​ກຳມະການ​ກອງ​ເລຂາ​ຕ່າງຫາກ​ແລ້ວ.

5./. ໄດ້​ແຕ່ງ​ຕັ້ງ​ຫົວໜ້າ​ອາ​ນຸກຳມະການ ຖ່າຍ​ທອດ​ສົດ​ພ້ອມ​ຄະນະ​ໄປ​ຫວຽດນາມ ​ເພື່ອ​ໃຫ້​ໂທລະພາບ​ແຫ່ງ​ຊາດ​ຫວຽດນາມ VTV ແຕ່ງ​ຄູ​ຝຶກ​ມາ​ຊ່ວຍ​ຝືກມື​ກອ້ງລາວ​ເຮົາ​ໃນ​ທ້າຍ​ເດືອນ​ມີ ນາ 2009 ນີ້ຢູ່​ວຽງ​ຈັນ.

X./. ກຳມະການ​ພິທີ ເປີດ-ປິດ ​ແລະ ວັດທະນະທຳ

1./. ໜ້າ​ວຽກ​ທີ່​ໄດ້​ປະຕິບັດ

1.1. ໄດ້​ປັບປຸງ​ຂໍ້​ຕົກລົງ​ຂອງ​ອະນຸ​ກຳມະການ​ພິທີ​ແຫ່-​ແລ່ນ​ທວນ​ໄຟ, ປະກອບ​ບຸກຄະລາ​ກອນ​ຄືນ​ໃໝ່​ໃຫ້​ຄົບ​ຖ້ວນ.

1.2. ໄດ້​ສ້າງ​ແຜນ​ງົບປະມານ​ຮັບ​ໃຊ້.

1.3. ໄດ້​ປະສານ​ສົມທົບ​ເອົາ​ຈຳນວນ​ພົນ ຂອງ​ຄະນະ​ຮັບຜິດຊອບ​ລວມ, ຂອງ​ຄະນະ​ຮັບຜິດຊອບ​ນັກ ຮຽນ, ນັກ​ສຶກສາ​ຂອງ​ພິທີ​ແຫ່-​ແລ່ນ​ທວນ​ໄຟ.

1.4. ໄດ້​ກຳນົດ​ສະຖານ​ທີ່​ການ​ຝຶກ​ແອບ​ຕົວ​ແບບ ​ແລະ ສະຖານ​ທີ່​ການ​ຝຶກ​ແອບ​ຕົວ​ຈີ​ງ ຢູ່​ແຕ່ລະ​ໂຮງຮຽນ ແຕ່​ລະສະ​ຖາ​ບັນ.

1.5. ດ້ານ​ອຸປະກອນ​ຮັບ​ໃຊ້ ໃນ​ການ​ຈູດ​ທວນ​ໄຟ, ​ເຕັກນິກ​ການ​ຈູດ​ທວນ​ໄຟ ​ແລະ ການ​ຈູດ​ບັ້ງ​ໄຟ​ພຸ​ປະດັບ​ເອ້​ແບບ​ມີ​ສີສັນ​ອາ​ລັງກາ​ນ, ​ໄດ້​ພົວພັນ​ກັບ 03 ບໍລິສັດ​ຄື :

- ບໍລິສັດ ວີ​ອາຮ ບິ​ວ​ເຊັນ​ເຕ​ເຊີນ ຈຳກັດ

- ບໍລິສັດ ​ເອ​ແອນ​ບີ ໂຊ​ລູຊັ່ນ ຈຳກັດ

- ບໍລິສັດ ​ເຕີ​ເຊິ​ນຄອມ​ເພີ​ນີ ຈຳກັດ

ຜ່ານ​ການສະ​ເໜີ​ຂໍ້​ມູນ​ລາຍ​ລະອຽດ ຂອງ 03 ບໍລິສັດ​ເຫັນ​ໄດ້​ວ່າ : ບໍລິສັດ ວີ​ອາຮ ບິ​ວ​ເຊັນ​ເຕ​ເຊີນ ຈຳກັດ ​ໄດ້​ມີ​ຜົນງານ​ໄລຍະ 20 ກວ່າ​ປີ, ​ແລະ ຮັບ​ໃຊ້​ພິທີ​ເປີດ-ປິດ​ງານ​ແຂ່ງຂັນ​ກິລາ​ເອຊຽນ​ເກ​ມ, ຊີ​ເກ​ມ, ກິລາ​ຄົນ​ພິການ ແລະ ງານ​ອື່ນໆ​ຜ່ານ​ມາ.

ຜ່ານ​ການ​ປືກສາ​ຫາລື​ບໍລິສັດ​ດັ່ງກ່າວ, ທາງ​ບໍລິສັດ​ຮັບ​ຄຳ​ຄິດ, ຄຳ​ເຫັນ​ຈະ​ນຳ​ໄປ​ສຶກສາ​ຄົ້ນຄວ້າ​ອອກ​ແບບ​ການ​ຄິດ​ໄລ່​ມູນ​ຄ່າ​ແລ້ວ ຈະ​ນຳ​ມາສະ​ເໜີ​ຕໍ່​ຄະນະ​ຮັບຜິດຊອບ​ພິທີ ເປີດ - ປິດ ​ໃນ​ລະຫວ່າງ​ວັນ​ທີ 21/4 /2009.

ພ້ອມໆ​ນັ້ນ ອະ​ນຸກຳມະການ​ພວກ​ເຮົາຈະ​ສື​ບຕໍ່​ພົວພັນ​ກັບ​ສະຖານທູດ ສ.ປ ຈີນ, ສ.ສ ຫວຽດ ນາມ ​ເພື່ອ​ບັນລຸ​ຈຸດປະສົງ​ແຜນການ​ຂອງ​ຕົນ ດ້ວຍ​ຄວາມ​ຮັບຜິດຊອບ​ສູງ​ຕໍ່​ການຈັດ​ຕັ້ງງານ.

2./. ລາຍ​ງານ​ຄວາມ​ຄືບ​ໜ້າ​ຂອງ​ອະນຸ​ກຳມະການ​ສວນສະໜາມ​ພິທີ ເປີດ -ປິດ ຊີ​ເກ​ມ

2.1. ວຽກ​ທີ່​ໄດ້​ເຮັດ​ສຳ​ເລັດ :

- ໄດ້​ປະຊຸມ​ລວມກັບ​ຄະນະ​ອະນຸ​ກຳມະການ​ສວນສະໜາມ.

- ໄດ​້​ເກັບ​ກຳ​ເອົາ​ຈຳນວນ​ລາຍ​ຊື່​ຂອງ​ຄະນະ​ຮັບຜິດຊອບ​ກ້ອນ​ສວນສະໜາມ ​ແລະ ນາງ​ສາວ​ຖື​ປ້າຍ 8 ທ່ານ ແລະ ຈຳນວນ​ພົນ​ລາຍ​ຊື່​ນັກຮຽນ​ວິທະຍາຄານ​ປ້ອງກັນ​ຄວາມ​ສະຫງົບ​ແຫ່ງ​ຊາດ ລວມ 178 ຄົນ.

- ໄດ້​ສ້າງ​ແຜນ​ຕາຕະລາງ​ດຳ​ເນີນ​ການ​ຝຶກ​ແອບ​ຂອງ ອະນຸ​ກຳມະການ​ສວນສະໜາມ.

- ໄດ້​ເຮັດ​ຮ່າງ​ວາລະ​ພິທີ​ເປີດ - ປິດ ​ເພື່ອ​ຂໍ​ຜ່ານ​ກອງ​ເລຂາ.

XI./. ກຳມະການ ໂທລະ​ຄົມມະ​ນາ​ຄົມ ​ແລະ ​ໄອ​ທີ

1./. ວຽກ​ໃນ​ເດືອນ 2 ທີ່​ໄດ້​ປະຕິບັດ

1.1. ໄດ້​ຈັດ​ກອງ​ປະຊຸມ​ສຳ​ມະ​ນາ​ການ​ສ້າງ​ແຜນ​ບໍລິຫານ​ທາງ​ດ້ານ​ໂທລະ​ຄົມ ​ແລະ ​ໄອ​ທີ ຊຶ່ງ​ກອງ​ປະ ຊຸມ​ສຳ​ມະ​ນາ ​ໄດ້​ເປັນ​ເອກະ​ພາບ​ກັນ​ບາງ​ບັນ​ຫາ​ດັ່ງນີ້ :

- ລະບົບ​ຊອບ​ແວ ​ແລະ ຮາດ​ແວ ​ແມ່ນ​ມາ​ເລ​ເຊຍ​ເປັນ​ຜູ້​ຮັບຜິດຊອບ ( ​ໂດຍ​ການສະ​ເໜີ​ຂອງ​ມາ​ເລ​ເຊຍ ).

- ຕິດ​ຕັ້ງ ​ແລະ​ຄຸ້ມ​ຄອງ​ລະບົບ Lan ແລະ ອະນຸ​ກຳມະການ​ໄອ​ທີ ຮັບຜິດຊອບ ( ອະນຸ​ກຳມະ ການ​ໄອ​ທີ​ເປັນ​ຜູ້​ສະ​ເໜີ ).

- ກໍ່ສ້າງ​ລະບົບ​ໂຄງ​ລ່າງ​ພື້ນຖານ ທາງ​ດ້ານ​ໂທລະ​ຄົມ​ ​ແມ່ນ​ອະນຸ​ກຳມະການ ໂທລະ​ຄົມ ຮັບຜິດ ຊອບ ( ອະນຸ​ກຳມະການ​ໂທລະ​ຄົມ ​ເປັນ​ຜູ້​ສະ​ເໜີ ).

‹ ທັງ​ສາມ​ພາກສ່ວນ​ນີ້ ໄດ້​ສ້າງ​ລະບົບ​ເຕັກນິກ​ຂອງ​ຕົນ ເພື່ອ​ຜ່ານ​ກອງ​ປະຊຸມ​ສຳ​ມະ​ນາ ​ແລະ ກໍ່​ລົງ​ເອີຍ​ການ​ດ້ວຍ​ຄວາມ​ເຫັນ​ດີ  ແລະ ​ເປັນ​ເອກະ​ພາບ​ກັນ.

1.2.     ໄດ້​ຮ່ວມ​ກັບ ມາ​ເລ​ເຊຍ ສຳພາດ​ເອົາ​ອາສາ​ສະໝັກ ​ເພື່ອ​ຮ່ວມ​ເຮັດ​ວຽກ​ກັບ ມາ​ເລ​ເຊຍ ມີ​ຜູ້​ເຂົ້າ​ສຳພາດ 131 ຄົນ ຈະ​ຄັດ​ເລືອກ​ເອົາ 100 ຄົນ.

1.3.     ອາ​ນຸກຳມະການ ໂທລະ​ຄົມ ​ໄດ້​ລົງ​ສຳ​ຫລວດ​ພື້ນທີ່​ພາກ​ສະໜາມ​ການ​ແຂ່ງຂັນ ເພື່ອ​ວາງ​ເຄືອ​ຂ່າຍ​ສາຍ​ໃຍ​ແສງ ​ເຂົ້າ​ແຕ່ລະ​ຈຸດ​ທີ່​ຕັ້ງ ​ໂດຍ​ຈະ​ເດີນ​ສອງ​ສາຍ​ເຂົ້າ​ແຕ່ລະ​ຈຸດ.

1.4.     ໄດ້​ເອກະ​ພາບ ​ແລະ ຕົກລົງ​ເອົາ​ມະຫາວິທະຍາ​ໄລ​ດົງ​ໂດກ ​ເປັນ​ສູນ​ກາງ​ຄອບ​ຄຸມລະບົບ​ໂທລະ​ຄົມ ​ແລະ ​ໄອ​ທີ.

ໄດ້​ສົມທົບ ​ແລະ ພົວພັນ​ກັບ​ກົມ​ຄຸ້ມ​ຄອງ​ຄື້ນຄວາມ​ຖີ່​ຂອງຫວຽດນາມ ​ໃນ​ການ​ຂໍ​ຢືມ ຫລື ເຊົ່າ​ລະບົບ​​ໂຟນີ.

ຂໍ​ອະນຸມັດ​ງົບປະມານ ​ເພື່ອ​ຮັບ​ໃຊ້​ຄະນະ​ກຳມະການ​ໂທລະ​ຄົມ ​ແລະ ​ໄອ​ທີ ທີ່​ປະທານ​ຈັດ​ງານ​ແຂ່ງຂັນ​ໄດ້​ອະນຸມັດ​ເງີ​ນຈຳນວນ 6.726.096.000 ກີບ ແລະຂໍຖອນຮັບໃຊ້ວຽກງານທີ່ຈຳ ເປັນຈ່າຍຈຳນວນ 391.500.000 ກີບ.
ໄດ້​ຈັດ​ກອງ​ປະຊຸມ​ຮ່ວມ​ກັບ​ກະຊວງ ປກສ ​ເປັນ​ເວລາ 02 ວັນ ເພື່ອ​ສຶກສາ​ຄວາມ​ເປັນ​ໄປ​ໄດ​້ຮ່ວມ​ກັນ​ໃນ​ການ​ນຳ​ໃຊ້ໂຟນີ ຂອງ​ກະຊວງ ປກສ.

ໄດ້​ແຕ່ງຕັ້ງຄະນະ​ທາງ​ດ້ານ​ໂທລະ​ຄົມ, ​ໄອ​ທີ ແລະ ຄະນະ​ປະຈຳການ ໃນ​ຄະນະ​ກຳມະການ ໂທລະ​ຄົມ ​ແລະ ​ໄອ​ທີ.

XII./. ກ​ຳມະ​ການ​ການ​ຕະຫລາດ ​ແລະ ສິດທິ​ປະ​ໂຫຍ​ດ

1./. ວັນ​ທີ 11/02/2009 ໄດ້​ເຂົ້າ​ຮ່ວມ​ນຳ​ຄະນະ​ຊີ​ເກ​ມ ​ໄປ​ກວດ​ເບິ່ງ​ສະຖານ​ທີ່​ຈອດ​ລົດ ​ແລະ ​ແຜນການ​ເດີນ​ລົດ ( ​ແຜນ​ຈໍລະ​ຈອນ ).

2./. ວຽກ​ງານການ​ລະດົມ​ທຶນ

1. ໄດ້​ຮ່າງ​ຈົດໝາຍ​ເຖີງບັນດາ​ກະຊວງ, ບັນດາ​ແຂວງ​ຕ່າງ​ໆ ພ້ອມ​ທັງ​ກະກຽມ​ໃບ​ແຈ້ງ​ເຈດ​ຈຳນົງ​ສົ່ງ​ໃຫ້​ບັນດາ​ພາກສ່ວນ​ຕ່າງໆ ເພື່ອ​ຂໍ​ການ​ສະ​ໜັບສະ​ໜູນ.

2. ກະກຽມ​ພິມ​ໃບ​ກຽດ​ຕິ​ຄຸນ, ​ໃບ​ຍ້ອງຍໍ, ​ໃຫ້​ແກ່​ບັນດາ​ບຸກຄົນ, ນິຕິບຸກຄົນ, ບໍລິສັດ​ຕ່າງໆ ທີ່​ໃຫ້ ການ​ສະໜັບສະໜູນ​ກິລາ​ຊີ​ເກ​ມ.

3. ກະກຽມ​ຮ່າງ​ໜັງສື​ສະ​ເໜີຫາ​ທ່ານ ປະທານ​ຄະນະ​ກຳມະການ​ຈັດ​ງານ​ຊີ​ເກ​ມຄັ້ງທີ 25 ເພື່ອ​ຂໍ​ອອກ​ຫວຍ​ກິລາ.

4. ຕິດຕາມ​ທາ​ບທາມ ( ​ເກັບ​ເງີ​ນ ) ນຳ​ບັນດາ​ບຸກຄົນ, ນິຕິບຸ​ກຄົນ​, ບໍລິສັດ​ຫ້​າງຮ້ານ​ຕ່າງໆ ທີ່​ໄດ້​ແຈ້ງ​​ເຈດ​ຈຳນົງ.

5. ສົມທົບ​ກັບ​ນະຄອນຫລວງ ກວດກາ​ສະຫລຸບ​ກ່ຽວ​ກັບ​ການ​ຫາ​ລາຍ​ໄດ້​ໃນ​ຄືນ​ວັນ​ທີ 31 ທັນວາ 2008 ເພື່ອ​ລາຍ​ງານ​ໃຫ້​ຂັ້ນ​ເທີ​ງ.

XIII./. ກຳມະການ​ພິທີການ​ທູດ ​ແລະ ຕ້ອນຮັບ​ແຂກ

1./. ວຽກ​ທີ່​ໄດ້​ປະຕິບັດ​ໃນ​ໄລຍະ​ຜ່ານ​ມາ

- ກະກຽມ​ເປີດ​ກອງ​ປະ​ຂຸມ​ຄົບ​ຄະນະ ຂອງ​ຄະນະ​ກຳມະການ​ພິທີການ​ທູດ ​ແລະ ຕ້ອນ ຮັບ​ແຂກ ອະນຸ​ກຳມະການ​ຕ່າງໆ ຄັ້ງທີ 3 ເພື່ອ​ລາຍ​ງານ​ຜົນ​ກະກຽມ​ໄລຍະ 2.

- ອະນຸ​ກຳມະການ​ຕ່າງ​ໆ​ຈັດ​ຕັ້ງ ​ແລະ ປະຕິບັດ​ແຜນການ​ກ່ຽວ​ກັບ​ໜ້າ​ວຽກ​ຂອງ​ຕົນ​ທີ່​ຮັບຜິດ

ຊ​ອບ.

- ອະນຸ​ກຳມະການ​ທັງ​ໝົດ ​ໃຫ້​ຈັດ​ຕັ້ງ​ການ​ຝຶກ​ອົບຮົມ​ທິດ​ສະ​ດີ ແລະ ຝຶກ​ການ​ປະຕິບັດ​ພາກ​ຕົວ

ຈີ​ງ​ໃຫ້​ພະນັກງານ ເປັນ​ໄລຍະ​ເພື່ອ​ກະກຽມ​ຄວາມ​ພ້ອມ​ໃຫ້​ແກ່​ການ​ຕ້ອນຮັບ​ໃຫ້​ໄດ້​ດີ.

- ເກັບ​ກຳ​ຂໍ້​ມູນ​ເພື່ອ​ຈັດ​ພິມ​ປື້ມຄູ່​ມື ຂອງ​ຄະນະ​ກຳມະການ​ພິທີການ​ທູດ ​ແລະ ຮັບ​ຕ້ອນ ໃຫ້​ສຳ​ເລັດ.

- ອາ​ນຸກຳມະການ​ຮັບຜິດຊອບ LO ໄດ້​ສົມທົບ ​ແລະ ປະສານ​ງານ​ກັບ​ມະຫາວິທະຍ​ໄລ​ແຫ່ງ​ຊາດ ຄັດ​ເລືອກ​ເອົາ LO ແລະ ອາສາ​ສະໝັກ​ພາກສ່ວນ​ຕ່າງໆ ພ້ອມ​ທັງ​ຄັດ​ເລືອກ​ແລະ​ຈັດ​ຝຶກ​ອົບຮົມ ​ແລະ ລົງ​ຕົວ​ຈິງ.

XIV./. ກຳມະການ​ການ​ແພດ ​ແລະ ຄວບ​ຄຸ້ມ​ສານ​ກະ​ຕຸ້ນ

1/. ວຽກ​ງານ​ທີ່​ໄດ້​ປະຕິບັດ​ສຳ​ເລັດ​ຜ່ານ​ມາ

4 ​ໄດ້​ຈັດ​ກອງ​ປະຊຸມຄັ້ງວັນທີ 2 ມັງກອນ 2009 ເພື່ອ​ລາຍ​ງານ​ການ​ປະຕິບັດ​ວຽກ​ງານ 03 ເດືອນ​ທ້າຍ​ປີ 2008  ​ແລະ ກະກຽມ​ແຜນການ​ດຳ​ເນີນ​ງານ 03 ເດືອນຕົ້ນປີ 2009.

4 ລາຍ​ງານ​ແຜນ​ງົບປະມານ​ໃນ​ເບື້ອງຕົ້ນ ສະບັບ​ເລກທີ 18 ກໍລະກົດ 2008 ເປັນ​ມູນ​ຄ່າ 14.720.222.350 ກີບ.

4 ​ໄດ້​ດັດ​ປັບ​ແຜນ​ງົບປະມານ​ ສະບັບ​ລົງ​ວັນ​ທີ 28 ຕຸລາ 2008 , ​ເປັນມູນ​ຄ່າ 15.297.787.300 ກີບ, ​ໂດຍ​ຕັດ​ງົບປະມານ​ແຂວງ ຫລວງ​ພະ​ບາງ, ​ແຂວງ ຈຳປາ​ສັກ ອອກ ​ແລະ ​ໄດ້​ຕື່ມ​ແຜນ​ຊື້ອຸປະກອນ​ການ​ແພດ ​ເພື່ອ​ຮັບ​ໃຊ້​ໜ່ວຍ​ລົດ​ແພດ.

4 ​ໄດ້​ດັບ​ປັບ​ແຜນ​ງົບປະມານ​ລົງ​ອີກ​ເປັນຄັ້ງທີ 3, ສະບັບ​ລົງ​ວັນ​ທີ 2 ມັງກອນ 2009 , ​ເປັນ​ມູນ​ຄ່າ 14.955.602.300 ກີບ.

4 ​ໄດ້​ສົ່ງ​ໃບ​ສະ​ເໜີ​ສະບັບ​ເລກທີ 02/ກຊສ, ລົງ​ວັນ​ທີ 5 ມັງກອນ 2009 ເຖີງທ່ານ​ປະທານ ຄະນະ​ຮັບຜິດຊອບ​ຈັດ​ງານ​ມະຫາ​ກຳ​ຊີ​ເກ​ມຄັ້ງທີ 25 ປີ 2009, ​ເພື່ອ​ຂໍ​ການ​ຊ່ວຍ​ເຫລືອ​ການ​ຝຶກ​ອົບຮົມ​ດ້ານ​ການ​ແພດ ​ແລະ ຂໍ​ຢືມ​ລົດ​ແພດ ​ແລະ ອຸປະກອນ​ການ​ແພດ​ນຳ ສສ ຫວຽດນາມ ​ເພື່ອ​ຮັບ​ໃຊ້​ງານ​ມະຫາ​ກຳ​ຊີ​ເກ​ມຄັ້ງ​ທີ 25.

4 ​ໄດ້​ສົ່ງ​ໃບ​ສະ​ເໜີ​ສະບັບ​ເລ​ກທີ 03/ ກຊສ, ລົງ​ວັນ​ທີ 5 ມັງກອນ 2009 ເຖີງທ່ານ​ປະທານ ຄະນະ​ຮັບຜິດຊອບ​ຈັດ​ງານ​ມະຫາ​ກຳ​ຊີ​ເກ​ມຄັ້ງ​ທີ 25 ປີ 2009, ​ເພື່ອ​ສະ​ເໜີຂໍ​ການ​ຊ່ວຍ​ເຫລືອ​ລົດ​ແພດ, ພາຫາ​ນະ​ຮັບ​ໃຊ້ ​ແລະ ອຸປະກອນການ​ແພດ​ທີ່​ຈຳ​ເປັນ​ນຳ ສປ ຈີນ ເພື່ອ​ຮັບ​ໃຊ້​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25, ປີ 2009.

4 ​ໄດ້​ຈັດ​ກອງ​ປະຊຸມ​ວິຊາ​ການ ຄັ້ງວັນ​ທີ 12/02/2009 ເພື່ອ​ດັບ​ປັບ​ແຜນການ​ງົບປະມານ​ຂອງ​ແຕ່ລະ​ໜ່ວຍ​ງານ​ແພດ​ຫ້ສອດຄ່ອງ​ກັບ​ງົບປະມານ​ຂອງ​ລັດຖະບານ, ​ໃຫ້​ແຕ່ລະ​ໜ່ວຍ​ງານ​ຂື້ນ​ແຜນການ​ໃຊ້​ຈ່າຍ​ແຕ່ລະ​ເດືອນ​ລະອຽດ ​ໂດຍ​ເລີ້ມ​ຕົ້ນ​ຈາກ​ເດືອນ 2 ເຖີງ​ ເດືອນ 11 ປີ 2009 ພ້ອມ​ທັງ​ສະ​ເໜີ​ແຜນ​ພະນັກງານ​ແພດ​ຮັບ​ໃຊ້​ໃນ​ງານ​ມະຫາ​ກຳ​ຊີ​ເກ​ມ 2009.

- ໄດ້​ປັບ​ແຜນ​ງົບປະມານ​ຄັ້ງທີ 4, ສະບັບລົງ​ວັນ​ທີ 16 ກຸມພາ 2009, ​ເປັນ​ມູນ​ຄ່າ 14.383.389.500 ກີບ.

4 ​ໄດ້​ເຮັດ​ໃບ​ໜັງສື​ນຳ​ສົ່ງ​ໃໝ່ ສະບັບ​ເລກທີ 133/ກຊສ, ລົງ​ວັນ​ທີ 4 ມີນາ 2009 ເຖີງ ທ່ານ​ປະທານ ຄະນະ​ຮັບຜິດຊອບ​ຈັດ​ງານ​ມະຫາ​ກຳ​ຊີ​ເກ​ມຄັ້ງ​ທີ 25 ປີ 2009, ​ເພື່ອ​ສົ່ງ​ລາຍ​ຊື່​ພະ ນັກງານ 10 ທ່ານ ຂອງ​ກຳມະການ​ການ​ແພດ ​ແລະ ຄວບ​ຄຸ້ມ​ສານ​ກະ​ຕຸ້ນໄປ​ຢ້ຽມຢາມ ​ແລະ ຖອດ​ຖອນບົດຮຽນກ່ຽວ​ກັບ​ການ​ແພດ, ຄວາມ​ປອດ​ໄພ​ຂອງ​ອາຫານ ແລະການຄວບຄຸມ​ສານ​ກະ​ຕຸ້ນ​ຢູ່ ສສ ຫວຽດນາມ ​ເຊິ່ງມີ​ແຜນການ​ເດີນທາງ ​ໃນ​ວັນ​ທີ 18-22/5/2009.

ຜ່ານ​ມາ​ກຳມະການ​ແພດ ​ໄດ້​ສົ່ງ​ລາຍ​ຊື່​ທີ​ມງານ​ທີ່​ຈະ​ໄປ​ຢ້ຽມຢາມ ສສ ຫວຽດນາມ ​ໃຫ້​ຄະນະ​ກຳມະການ​ຈັດ​ງານ​ຊີ​ເກ​ມຄັ້ງ​ທີ 25 ແລ້ວ​ຕາມ​ໜັງສື​ສະ​ເໜີ​ເລກທີ 419/ກຊສ, ລົງວັນ​ທີ 23 ມີ​ຖຸນາ 2008 ນັ້ນ ແມ່ນ​ຖືກ​ລົບ​ລ້າງ ມາ​ເຖີງປັດຈະ​ບັນ​ໂດຍ​ອີງ​ໃສ່ການຈັດ​ຕັ້ງ​ປະຕິບັດ​ວຽກ​ງານອັນ​ຈຳ​ເປັນ​ໃນ​ຕົວ​ຈີ​ງ ຈຶ່ງ​ໄດ້​ມີ​ການ​ປ່ຽນ​ແປງ​ລາຍ​ຊື່​ບາງ​ທ່ານ.

4 ​ໄດ້​ຈັດ​ກອງ​ປະຊຸມ​ປະຈຳ​ເດືອນ 03/2009 ຂອງ​ກຳມະການ​ການ​ແພດ ​ແລະ ຄວບ​ຄຸມ​ສານ​ກະ​ຕຸ້ນ ຄັ້ງວັນ​ທີ 16/03/2009.

- ເພື່ອ​ດັບ​ປັບ​ແຜນ​ງົບປະມານ​ລວມຂອງ​ແຕ່ລະ​ໜ່ວຍ​ງານ​ໃຫ້​ສອດຄ່ອງ​ກັບ​ຂໍ້​ຕົກລົງ​ຂອງ​ປະ ທານ ຈັດ​ງານ​ມະຫາ​ກຳ​ຊີ​ເກ​ມຄັ້ງ​ທີ 25 ວ່າ​ດ້ວຍ​ການ​ອະນຸມັດ​ແຜນການ​ລາຍ​ຈ່າຍ​ເງີ​ນ​ເຄື່ອນ​ໄຫວ​ຮັບ​ໃຊ້​ວຽກ​ຈັດ​ງານ​ມະຫາ​ກຳ​ຊີ​ເກ​ມຄັ້ງທີ 25 ສົກ​ປີ 2009, ​ເລກທີ 144/ຄຈກຊ.25, ວັນ​ທີ 03/03/2009 ເປ​ັນຈຳນວນ​ເງີ​ນທັງ​ໝົດ 5.1780020.220 ກີບ.

- ໃຫ້ແຕ່ລະ​ໜ່ວຍ​ງານ​ຂື້ນ​ແຜ​ນການ​ໃຊ້​ຈ່າຍ​ແຕ່ລະ​ເດືອນ​ລະອຽດ ​ເພື່ອ​ຖອນ​ເງີ​ນ​ໄປ​ເຮັດ​ກິດ ຈະກຳ​ຕົວ​ຈີ​ງ ​ໂດຍ​ປະຕິບັດ​ຕາມ​ລະບຽບ​ການ​ນຳ​ໃຊ້​ງົບປະມານ​ຂອງ​ລັດ.

- ໄດ້​ແຈ້ງ​ການ​ລະບອບ​ການ​ສະຫລຸບ​ລາຍ​ງານ​ປະຈຳ​ອາທິດ, ປະຈຳ​ເດືອນ ຂອງ​ແຕ່ລະ​ໜ່ວຍ​ງານ​ແລ້ວ​ສົ່ງ​ໃຫ້​ກອງ​ເລຂາການແພດ​ເພື່ອ​ສັງ​ລວມ​ແລ້ວ​ສົ່ງ​ໃຫ້ ຄະນະ​ກຳມະການ​ຈັດ​ງານ​ມະຫາ​ກຳ​ກິລາ​ຊີ​ເກ​ມ ຄັ້ງທີ 25.

- ຄັດ​ເລືອກ​ພະນັກງານ 01 ທ່ານເພື່ອ​ໄປ​ປະຈຳການ​ຢູ່ ຄະນະ​ກຳ​ມະ​ການ​ກອງ​ເລຂາ​ກິລາ​ຊີ​ເກ​ມ ຄັ້ງ​ທີ 25, ​ແຕ່​ຍັງ​ບໍ່​ທັນ​ຕົກລົງ​ເປັນ​ທາງ​ການ.

2./. ໜ່ວຍ​ວິຊາ​ການ ( ການ​ແພດ, ຄວບ​ຄຸມ​ສານ​ກະ​ຕຸ້ນ, ສິ່ງ​ແວດ​ລ້ອມ-​ເຝົ້າລະວັງ​ພະຍາດ​ລະບາດ ​ແລະ ຄວາມ​ປອດ​ໄພ​ອາຫານ ).

- ສຳ​ເລັດ​ການ​ຮ່າງ​ຄູ່​ມື​ການ​ແພດ.

- ສຳ​ເລັດ​ການ​ຮ່າງ​ຄູ່​ມື​ຄວບ​ຄຸ້ມ​ສານ​ກະ​ຕຸ້ນ.

- ສຳ​ເລັດ​ການ​ຮ່າງ​ຄູ່​ມື ແລະ ຈັດ​ກອງ​ປະຊຸມ​ຜ່ານ​ຮ່າງ​ຄູ່​ມື ແນະນຳ​ດ້ານ​ອານາ​ໄມ, ອາຫານ​ປອດ​ໄພ, ​ເຝົ້າ​ລະວັງ​ພະຍາດ​ລະບາດ ​ໃນ​ເດືອນ 11/2008.

- ຈັດ​ກອງ​ປະຊຸມ​ຜ່ານ​ແຜນ​ງົບ​ປະມານ​ຮ່ວມ​ກັບ​ພາກສ່ວນ​ກ່ຽວຂ້ອງ ​ເຊັ່ນ : ກົມ​ອະນາ​ໄມ-ກັນ​ພະຍາດ, ກົມ​ອາຫານ ແລະ ຢາ, ສູນ​ວິ​ເຄາະ​ລະບາດ​ວິທະຍາ, ສູນ​ວິ​ໃຈ​ອາຫານ ແລະ ຢາ, ສູນ​ນ້ຳສະອາດ ​ແລະ ສິ່ງ​​ແວດ​ລ້ອມ, ສູນ​ໄຂ້ຍຸງ, ​ແມ່​ກາ​ຝາກ ​ແລະ ​ແມງ​ໄມ້​ໃນ​ເດືອນ 1/2009.

- ຮ່າງ​ຂໍ້​ແນະນຳ ​ແລະ ຄູ່​ມື​ອະນາ​ໄມ​ອານ ຢູ່​ຫໍ​ອາຫານ, ສູນ​ອາຫານ, ອາຫານ​ຂາຍ​ຕາມ​ແຄມ​ທາງ ​ໃນເດືອນ 10,11,12/2008 ແລະ ​ໃນ​ເດືອນ 1/2009.

- ກົມ​ອະນາ​ໄມ-ກັນ​ພະຍາດ, ກົ​ມອາຫານແລະ​ຢາ ​ແລະ ສູນ​ລະບາດ​ວິທະຍາຮ່ວມ​ກັບ​ພະ​ແນ​ກ ສາທາລະນະ​ສຸກ​ນະຄອນຫລວງ​ວຽງ​ຈັນ ລົງ​ກວດກາ​ອາຫານ ແລະ ສືບສວນ​ພະຍາດ​ເກີດ​ຈາກ​ອາຫານ​ຢູ່​ຮ້າ​ນອາຫານ​ລະບຽງ​ລົມ.

= ຕີລາຄາການເຄື່ອນໄຫວວຽກງານທີ່ຜ່ານມາ .

- ດ້ານດີ : ກຳມະການຝ່າຍຕ່າງໆ ໄດ້ປະຕິບັດໜ້າທີ່ດ້ວຍຄວາມຮັບຜິດຊອບສູງ ຊຶ່ງໄດ້ເຮັດໃຫ້ ໜ້າວຽກຕ່າງໆມີຄວາມຄືບໜ້າຫລາຍ.

- ດ້ານຂໍ້ຄົງຄ້າງ : ກຳມະການຕ່າງໆ ຕ້ອງເພີ່ມຄວາມຮັບຜິດຊອບ ໂດຍສະເພາະແມ່ນການປະ ສານງານ ຮ່ວມແຮງຮ່ວມໃຈກັນເຮັດວຽກງານໃຫ້ສຳເລັດ ເພາະຜ່ານມາຕ່າງຄົນຕ່າງເຮັດ ຍັງບໍ່ ທັນເປັນເຈົ້າການໃນການປະສານງານໃນໜ້າວຽກທີ່ຈະໄດ້ຮ່ວມກັນ.

ແຜນວຽກໃນຕໍ່ໜ້າຂອງແຕ່ລະກຳມະການ

ແຜນວຽກໃນຕໍ່ໜ້າຂອງກຳມະການກອງເລຂາ-ປະສານງານແລະຂະບວນການ.

ສືບຕໍ່ກັບບັນດາປະເທດເພື່ອນມິດອາຊຽນ, ອາຊີ ເພື່ອຂໍການສະໜັບສະໜູນວຽກງານຊີ ເກມ.

ສືບຕໍ່ປະສານກຳມະການຝ່າຍຕ່າງໆ ເພື່ອສັງລວມເຂົ້າໃນບົດສະຫລຸບລາຍງານ ເປັນ ຄວາມຄືບໜ້າໃນການກະກຽມວຽກຊີເກມ ຕໍ່ກອງປະຊຸມຄົບຄະນະທີ່ຈະມີຂື້ນເປັນປະຈຳ ທຸກໆ 02 ເດືອນ.
ຕ້ອນຮັບຊ່ຽວຊານທາງດ້ານເຕັກນິກຈາກ OCA ມາກວດກາສະໜາມກິລາ ເພື່ອຢັ້ງຢືນ ມາດຖານສະໜາມແຂ່ງຂັນ.

ແຜນວຽກໃນຕໍ່ໜ້າຂອງກຳມະການ ບໍລິຫານ-ບໍລິການ.

+ ກຳລັງຄົ້ນຄ້ວາປຶ້ມຄູ່ມື:

1. ປື້ມຄູ່ມືແນະນຳ ບ້ານພັກນັກກິລາ Athletes Village ( Accommodation Manual )
2. ປື້ມຄູ່ມືແນະນຳ ການຕ້ອນຮັບ ATHLETES’S RECEPTION.
3. ປື້ມຄູ່ມືແນະນຳ ການນຳໃຊ້ ເອກະລັກປະຈຳການແຂ່ງຂັນ ( Corporation Identity Guideline).
4. ກະກຽມຕ້ອນຮັບຊ່ຽວຊານຈາກ ສ.ສ ຫວຽດນາມ ແລະ ມາເລເຊຍ ຊ່ວຍກະກຽມວຽກງານ ແຕ່ ລະດ້ານ.
5. ວຽກຂື້ນທະບຽນ ( ID card ) ຈະເລີ່ມປະຕິບັດກ່ອນ 03 ເດືອນ, ເດືອນ 03/2009 ຈະເປີດສູນ ID card, ສຳລັບ ID card ຂອງລາວ, ຈະໄດ້ສົ່ງແບບຟອມໃຫ້ຄະນະກຳມະການ, ອະນຸກຳມະ ການພ້ອມດ້ວຍບຸກຄະລາກອນຝ່າຍຕ່າງໆ ໃຫ້ແຕ່ລະຄົນປະກອບແບບຟອມສົ່ງໃຫ້ຂື້ນທະບຽນ ກ່ອນໜ້າ 03 ເດືອນ.
6. ກະກຽມແຕ່ງຕັ້ງບຸກຄະລາກອນເຂົ້າໃນຝ່າຍຮັບຕ້ອນຄະນະນັກກິລາໃນສະໜາມບິນ, ຂົວມິດ ຕະພາບ ແລະ ຝ່າຍອອກບັດຢູ່ ຄກຊ ແລະ ສູນ ICTC ຫລັກ 5.
7. ສືບຕໍ່ເກັບກຳຂໍ້ມູນນຳກຳມະການຝ່າຍຕ່າງໆເອົາເຂົ້າ Website SEA Games ໃຫ້ໄດ້ອອກ ເປັນປົກກະຕິ.
8. ສີບຕໍ່ກະກຽມຄັດເລືອກເອົາອາສາສະໝັກຈາກມະຫາວິທະຍາໄລາ, ວິທະຍາໄລາພາກລັດ-ເອກ ກະຊົນ ເພື່ອຄັດເລືອກໃຫ້ຄົບຕາມໜ້າວຽກທີ່ໄດ້ກຳນົດໄວ້.

- ກະກຽມແຜນການເຝິກອົບຮົມອາສາສະໝັກງວດ 1 ( ເດືອນ 3​-5/2009 ).

1. ສືບຕໍ່ກະກຽມຜະລິດເຄື່ອງນຸ່ງຊຸດຊຸດພິທີການຂອງຄະນະນຳ, ຄະນະປະທານ, ຄະນະກຳມະ ການ ແລະ ອະນຸກຳມະການຝ່າຍຕ່າງໆ, ເຄື່ອງນຸ່ງຂອງອາສາສະໝັກ ແລະ ນັກກິລາ.
2. ສືບຕໍ່ປະສານໄປຍັງບໍລິສັດເພັດຈຳປາ ກ່ຽວກັບການຜະລິດຫລຽນລາງວັນຊະນະເລີດ, ຫລຽນທີ່ ລະນຶກ ແລະ ຂອງຂວັນທີ່ລະລືກ ຈຳນວນໜື່ງທີ່ໄດ້ມອບໝາຍໃຫ້ ບໍລິສັດເປັນຜູ້ອອກແບບຕາມ ທິດຊີ້ນຳຂອງທ່ານ ລັດຖະມົນຕີປະຈຳ ສນຍ, ຮອງປະທານ ຄະນະກຳມະການຈັດງານກິລາ ຊີເກມຄັ້ງທີ 25.

+ ນອກຈາກນັ້ນ ກໍໄດ້ປະສານງານກັບກຳມະການຝ່າຍຕ່າງໆ ຕາມໜ້າວຽກທີ່ຈຳໄດ້ຮ່ວມກັນເຊັ່ນ:  ກຳມະການເຕັກນິກ - ຈັດການແຂ່ງຂັນ, ກຳມະການທີ່ພັກ, ອາຫານດ ປະດັບປະດາ ແລະ ທ່ອງ ທ່ຽວ, ກຳມະການຂົນສົ່ງ.

#. ແຜນວຽກໃນຕໍ່ໜ້າຂອງອະນຸກຳມະການກໍ່ສ້າງ, ສ້ອມແປງສະໜາມແຂ່ງຂັນ ແລະ     ພັດທະນາເສັ້ນທາງຕົວເມືອງ.

1. ສືບຕໍ່ກໍ່ສ້າງເສັ້ນທາງອ້ອມສະໜາມກິລາບຶງຂະຫຍອງ ໃຫ້ສຳເລັດເດືອນ 04/2009.
2. ເສັ້ນທາງຄຳສະຫວາດ-ຫົວຂົວ-ໜອງໜ່ຽງ-ສະຖານີວິທະຍຸ ໃຫ້ສຳເລັດ ເດືອນ 05/2009.
3. ສືບຕໍ່ກໍ່ສ້າງເສັ້ນທາງດອນໜູນ-ສະໜາມກິລາດົງໂດກ ໃຫ້ສຳເລັດເດືອນ 04/2009.
4. ສືບຕໍ່ກໍ່ສ້າງເສັ້ນທາງ ອ້ອມມະຫາວິທະຍາໄລດົງໂດກ ໃຫ້ສຳເລັດເດືອນ 05/2009.
5. ສືບຕໍ່ວາງທໍ່ນ້ຳປະປາທາງຊີເກມ ໃຫ້ສຳເລັດເດືອນ 04/2009.
6. ສືບຕໍ່ກໍ່ສ້າງທາງດົງບັງ-ລາດຄວາຍ-ທາງເລກ10 ໃຫ້ສຳເລັດເດືອນ 05/2009.
7. ສືບຕໍ່ລົງມືທາງນາຄວາຍ-ຄຳສະຫວາດ, ຊຽງດາ-ດົງໂພສີ ໃຫ້ສຳເລັດເດືອນ 05/2009.
8. ສືບຕໍ່ລົງມືເສັ້ນທາງ ວັງຊາຍ-ຊຳເຄ້-ອຸດສະຫະກຳ ໃຫ້ສຳເລັດເດືອນ 05/2009.
9. ສືບຕໍ່ກໍ່ສ້າງເສັ້ນທາງດອນແດງ-ຕານມີໄຊ ໃຫ້ສຳເລັດເດືອນ 04/2009.
10. ເສັ້ນທາງເຂົ້າສະຖານີວິທະຍຸກະຈາຍສຽງ-ສະໜາມກິລາແຫ່ງຊາດ ໃຫ້ສຳເລັດເດືອນ 04/2009.
11. ສືບຕໍ່ກໍ່ສ້າງເສັ້ນທາງເຂົ້າສູນຝຶກຊ້ອມສີເກີດ ໃຫ້ສຳເລັດເດືອນ 04/2009.
12. ເລີ່ມລົງມືຕິດຕັ້ງປ້າຍຈໍລະຈອນ ໃນເດືອນ 05/2009 ແລະ ແຜນການຕີເສັ້ນຈໍລະຈອນ ແລະ ທາສີ ຂອບທາງ ເລີ່ມເດືອນ 10/2009 ໃຫ້ສຳເລັດ 15/11/2009.

#.ແຜນວຽກໃນຕໍ່ໜ້າຂອງກຳມະການກະກຽມນັກກິລາຂອງລາວເພື່ອເຂົ້າຮ່ວມຍາດເອົາຫຼຽນ

-  ກະກຽມຈັດນັກກິລາ ໄປເຂົ້າສູນຝຶກກິລາແຫ່ງຊາດ ( ສີເກີດ ) ໃຫ້ເຕັມຕາມຈຳນວນ.

-  ສົມທົບກັບສະຫະພັນກິລາ ກະກຽມຄູຝຶກ ແລະ ນັກກິລາ ສົ່ງໄປຝຶກແອບຢູ່ສູນຝຶກ ສ.ສ ຫວຽດນາມ   ກຳນົດ 5-6 ເດືອນ ຕາມໂຄງການຮ່ວມມືດ້ານກິລາ-ກາຍະກຳລະຫວ່າງ 2 ປະເທດ ລາວ-ຫວຽດນາມ ແຕ່ເດືອນ 04/2009 ເປັນຕົ້ນໄປຄື: ກາຣາເຕໂດ 18 ຄົນ, ຍິງປືນ 07 ຄົນ, ດຳນ້ຳ 13 ຄົນ, ມວຍປ້ຳ 18 ຄົນ, ເຕະດອກຂົນໄກ່ 20 ຄົນ, ປັນຈັກສີລັດ 20 ຄົນ.

-  ສົມທົບກັບສະຫະພັນເຕະບານແຫ່ງຊາດ ສົ່ງຄະນະກິລາເຕະບານທີມຊາດເພດຊາຍ ຈຳນວນ 39 ທ່ານ ໄປເກັບຕົວຢູ່ສູນຝຶກຢາລາຍ ສ.ສ ຫວຽດນາມ ແຕ່ວັນທີ 25/03/2009 ຮອດວັນທີ 03/06/2009.

-  ສົມທົບກັບສະຫະພັນມວຍປ້ຳ ກະກຽມສົ່ງຄູຝຶກ ແລະ ນັກກິລາມວຍປ້ຳຈຳນວນ 07 ຄົນ ໄປເກັບຕົວ ເຂົ້າສູນຝຶກແອບຢູ່ປະເທດ ມົງໂກລີ ແຕ່ເດືອນ 04/2009 ເປັນຕົ້ນໄປ ກຳນົດ 06 ເດືອນ.

-  ສົມທົບກັບສະຫະພັນ ຢູໂດ ກະກຽມສົ່ງຄູຝຶກ ແລະ ນັກກິລາຢູໂດຈຳນວນ 06 ຄົນ ໄປເກັບຕົວເຂົ້າສູນ ຝຶກແອບຢູ່ປະເທດ ມົງໂກລີ ເລີ່ມແຕ່ເດືອນ 04/2009 ເປັນຕົ້ນໄປ ກຳນົດ 04 ເດືອນ.

-  ສົມທົບກັບສະຫະພັນກິລາ ກະກຽມຮັບຄູຝຶກກິລາຈາກ ສ.ປ ຈີນ ທີ່ຈະມາຝຶກແອບນັກກິລາລາວ  ກຽມ ຊີເກມໃນທ້າຍເດືອນ 03/2009 ມີຄູຝຶກປ່ິງປ່ອງ 01 ຄົນ, ວູຊູຊານຊາວ 01 ຄົນ, ວູຊູເຕົາລູ 01 ຄົນ, ດຳ ນ້ຳ 01 ຄົນ, ໂດດນ້ຳ 01 ຄົນ, ບານສົ່ງ 01 ຄົນ, ບານສົ່ງຫາດຊາຍ 01 ຄົນ, ເທັນນິດ 01 ຄົນ, ດອກ ປີກໄກ່ 01 ຄົນ.

-  ສົມທົບກັບສະຫະພັນກິລາ ຄັດເລືອກເອົານັກກິລາຕໍ່ສູ້ປ້ອງກັນຕົວທີມຊາດ ຊຸດຊີເກມ ຄັ້ງທີ 25. 06 ປະເພດ ໄປແຂ່ງຂັນກິລາສິນລະປະຕໍ່ສູ້ປ້ອງກັນຕົວອາຊຽນ ຄັ້ງທີ I ປີ 2009 ຢູ່ບາງກອກ ປະເທດໄທ ແຕ່ວັນທີ 25/04 ຫາ 03/05/2009 ຄື: ຢູໂດ, ເທຄວັນໂດ, ກາຣາເຕໂດ, ມວຍລາວ, ປັນຈັກສີລັດ, ວູຊູ ຊານຊາວ, ວູຊູດຸຍລຽນ.

ແຜນວຽກໃນຕໍ່ໜ້າຂອງກຳມະການເຕັກນິກ ແລະ ຈັດການແຂ່ງຂັນ.
ວຽກງານໃນຕໍ່ໜ້າ

= ແຜນຂໍຢືມຝ່າຍຫວຽດນາມມີ: ຍິງປືນ, ວູຊູ,  ປັນຈັກສີລັດ, ລອຍນ້ຳ, ດຳນ້ຳ, ກາຣາເຕໂດ, ຢູໂດ.

= ໄດ້ຕິດຕໍ່ໃຫ້ບໍລິສັດ Vilocity ທີ່ເຄີຍຈັດອຸປະກອນແຂ່ງຂັນໃນກິລາຊີເກມ ຜ່ານມາໃນປະເທດ ມາ ເລເຊຍ, ຫວຽດນາມ ໃຫ້ເປັນລາຍລະອຽດໃຫ້ເພື່ອຮອງຮັບໄວ້.

= ສົ່ງກຳມະການຕັດສິນ ເທັກຄວັນໂດ ໄປສອບເສັງເອົາໃບປະກາດການຕັດສິນຢູ່ ຫວຽດນາມ ແລະ ຍັງໄດ້ສືບຕໍ່ໄປເສັງຕື່ມຢູ່ປະເທດຈີນ 04 ຄົນ.

= ສືບຕໍ່ຂໍຊ່ຽວຊານຈາກ ຫວຽດນາມມາຈັດຝຶກອົບຮົມ ກຳມະການຕັດສິນລາວ ມີ: ຍິງປືນ, ວູຊູ,  ປັນຈັກ ສີລັດ, ດຳນ້ຳ, ເຕະດອກຂົນໄກ່, ກາຣາເຕໂດ, ຢູໂດ ໃນເດືອນ ພຶດສະພາ-ມິຖຸນາ.

= ສືບຕໍ່ ເຊີນຊ່ຽວຊານ ຫວຽດນາມ ຝ່າຍຈັດການແຂ່ງຂັນ ແລະ ອຸປະກອນ ມາເຮັດວຽກ, ລົງກວດກາ ສະໜາມແຂ່ງຂັນ ແລະ ເຈລະຈາການຂໍຢືມອຸປະກອນຈາກຝ່າຍ ຫວຽດນາມ ໃນວັນທີ 07-10/04 /2009.

= ປະຊຸມກັບ 25 ສະຫະພັນກິລາ ແນະນຳໜ້າວຽກ ແລະ ການຈັດຕັ້ງ ແຕ່ງຕັ້ງບຸກຄົນຮັບຜິດຊອບໃນ ໜ້າວຽກ.

- ຝ່າຍຈັດການແຂ່ງຂັນ

- ສະຖານທີ່ແຂ່ງຂັນ-ອຸປະກອນ

- ຝ່າຍມອບຫຼຽນ

- ຝ່າຍເກັບກຳຂໍ້ມູນ

- ຈັດອົບຮົມ.

ແຜນ​ວຽກ​ສືບຕໍ່ໃນ​ເດືອນ 04 ຂອງ​ກຳມະການຮັກສາ​ຄວາມ​ສະຫງົບ, ຄວາມ​ປອດ​ໄພ  ແລະ ຈໍ​ລະ​ຈອນ.
- ສ້າງ​ແຜນການ ​ແລະ ຈັດ​ຕັ້ງ​ຫັດ​​ແອບ​ຕ້ານ​ການ​ລຸກ​ຮື້ຂື້ນຂອງ​ກຸ່ມ​ຄົນ​ບໍ່​ດີ.

- ສືບຕໍ່​ລົງ​ກວດກາ​ເກັບ​ກຳ​ຂໍ້ມູນຢູ່​ບັນດາ​​ໂຮງ​ແຮມ ​ເພື່ອ​ສ້າງ​ແຜນການ​ມອບ​ໝາຍ​ໜ້າ​ທີ່​ລະ ອຽດ​ໃຫ້​ແຕ່​ລະ​ກົມ​ກອງ.

- ໃຫ້​ກົມ​ກອງ​ມາລາ​ຍງານ​ຄວາມ​ຕັດສິນ​ໃຈ​ການ​ນຳ​​ໃຊ້​ກຳລັງ​ປ້ອງ​ກັນ.

- ສືບຕໍ່​ສະ​ເໜີ​ຖອນ​ເງີ​ນນຳ​ອາ​ນຸກຳມະການ​ເສດຖະກິດ-ການ​ເງີ​ນ ເພື່ອ​ຊື້ວັດຖຸ​ຈຳນວນ​ໜື່ງທີ່​ຈຳ​ເປັນ ກະກຽມ​ຮັບ​ໃຊ້​ການ​ປ້ອງ​ກັນ.

+ ຂໍ​ສະ​ເໜີ

- ສະ​ເໜີ​ປູ​ເບ​ຕົງ​ບ່ອນ​ຈອດ​ຍົນ​ຂື້ນຊື່ 02 ຈຸດ, ຂະໜາດ 12 ມ x 12 ມ, ຢູ່​ເດີ່ນ​ກິລາ​ຫລັກ 16 ເພື່ອ​ສະດວກ​ໃນ​ການ​ລົງ​ຈອດ.

ທິດທາງ​ວຽກງານໃນເດືອນ 4/2009 ຂອງ​ກຳມະການ​ທີ່​ພັກ, ອາ​ຫານ, ປະດັບ​ປະດາ ​ແລະ ທ່ອງ​ທ່ຽວ.

ກວດກາ​ຄືນ​ຂໍ້​ມູນ​ສະຖິຕິ, ຈຳນວນ​ແຂກ, ນັກ​ກິລາ​ແຕ່ລະ​ປະ​ເພດ ​ໃຫ້​ລະອຽດ​ຕົວ​ຈີ​ງ.

ສືບຕໍ່​ລົງ​ສຳ​ຫລວດ​ກວດກາ​ຕົວ​ຈີ​ງ​ໂຮງ​ແຮມ​ທີ່​ມີ​ແລ້ວ ​ແລະ ຈະ​ສ້າງ​ສຳ​ເລັດ​ໃນ​ທ້າຍ​ປີ 2009 ທີ່​ຈະ​ຈັດ​ແຂກ VIP, ກຳມະການ, ສະຫະພັນ​ຕ່າງໆ ແລະ ສື່​ມວນ​ຊົນ ແລະ ຜູ້ນຳ​ນັກ​ກິລາ​ເຂົ້າ​ພັກ.

ປະສານ​ສົມທົບ​ກັບ​ຄະນະ​ຮັບຜິດຊອບ​ໂຄງການ​ປຸກ​ສ້າງ​ບ້ານ​ພັກ​ນັກ​ກິລາ ຢູ່​ມະຫາວິ ທະຍາ​ໄລ​ແຫ່ງ​ຊາດ ​ເພື່ອ​ຮັບ​ຊາບ​ຂໍ້​ມູນ​ລະອຽດ ​ເພື່ອ​ຄົ້ນຄວ້າ​ເງື່ອນ​ໄຂ​ ​ແລະ ກຳນົດ​ລະບຽບ​ຄຸ້ມ​ຄອງ ​ແລະ ບໍລິການ.

ຈັດ​ກອງ​ປະຊຸມ​ການ​ມີ​ສ່ວນ​ຮ່ວມ ​ເປັນ​ເຈົ້າພາບ​ຮັບ​ແຂກ​ກັບ​ບັນດາ​ຫົວ​ໜ່ວຍ​ທຸລະ​ກິດ​ບໍລິການ​ທ່ອງ​ທ່ຽວ.

ຮ່າງ​ຈົດໝາຍ​ຂອງ​ທ່ານ ຮອງ​ນາຍົກລັດຖະມົນຕີ ເພື່ອ​ລະດົມ​ການ​ປະກອບສ່ວນ ຮັບ​ໃຊ້​ງານ​ມະຫາ​ກຳ​ກິລາ​ຊີ​ເກ​ມຂອງ​ພາກສ່ວນ​ທຸລະ​ກິດ.

ນຳ​ສະ​ເໜີການຈັດຕັ້ງຄະນະ​ຮັບຜິດຊອບ ບ້ານ​ພັກ​ນັກ​ກິລາ ​ແລະ ໜ່ວຍ Housing Bureau ແລະ ​ເປີດ​ກອງ​ປະຊຸມ​ປືກສາ​ຫາລື​ກ່ຽວ​ກັບ​ແຜນການ​ເຄື່ອນ​ໄຫວ​ຕົວ​ຈີ​ງ.

ກຽມ​ເນື້ອ​ໃນ​ເພື່ອ​ສ້າງ​ປື້ມຄູ່​ມື ດ້ານ​ທີ່​ພັກ ​ແລະ ອາຫານ (Accommodation Manual)

ເລີ້ມດຳ​ເນີນ​ການຈັດ​ລະດັບ​ຂັ້ນ​ໂຮງ​ແຮມ ທີ່ຢູ່​ໃນ​ເປົ້າ​ໝາຍ​ຮັບ​ໃຊ້ 12 ໜ່ວຍ.

ສຳ​ຫລວດ​ຫ້ອງ​ອາຫານ​ຢູ່​ແຕ່ລະ​ໂຮງ​​ແຮມ ​ເພື່ອ​ເຕົ້າ​ໂຮມ​ປະຊຸມ​ປືກສາ​ຫລື ແລະ ​ເຮັດ​ຂໍ້​ຜູກ​ພັນ​ສັນຍາ​ການ​ບໍລິການ​ອາຫານ ໃຫ້​ນັກ​ກິລາ​ແບບ​ໃຊ້​ກູ​ປອງ​ ແລະ ກະກຽມ​ຫ້ອງ​ອາຫານ​ທີ່ຢູ່​ນອກ​ລະບົບ​ໂຮງ​ແຮມ ​ເພື່ອ​ອຳນວຍ​ການ​ບໍ​ລິ​ການ​ຕະຫລອດ 24 ຊົ່ວ​ໂມງ.

ຄົ້ນຄວ້າ​ເງື່ອນ​ໄຂ​ຂອງ​ບໍລິສັດ​ທີ່​ສົນ​ໃຈ​ບໍ​ລິ​ການ​ອາຫານ.

ກະກຽມ​ແຜນການ​ຈັດ​ຝຶກ​ອົບຮົມ ພະນັກງານ​ບໍລິການ​ໂຮງ​​ແຮມ, ​ເຮືອນ​ພັກ, ຮ້ານ​ອາຫານ ແລະ ສະຖານ​ທີ່​ທ່ອງ​ທ່ຽວ ​ແລະ ພະນັກງານ​ນຳ​ທ່ຽວ.

ສືບຕໍ່​ສົມທົບ​ກັບ​ກຳມະການ​ຝ່າຍ​ຕ່າງໆ ດ້ານ​ຂໍ້​ມູນ ເພື່ອ​ປັບປຸງ​ແບບ ​ແລະ ຈັດ​ພິມ​ປື້ມຄູ່​ມື​ໂຄ ສະນາ​ການທ່ອງທ່ຽວ, ​ແຜ່ນ​ທີ່​ທ່ອງ​ທ່ຽວ, ​ໂຮງ​ແຮມ​ທີ່​ພັກ ​ແລະ ອາຫານ.
ປະ​ຊຸມ​ຄະນະ​ກຳມະການ, ສະມາ​ຄົນ​ທຸລະ​ກິດ​ໂຮງ​ແຮມ ​ແລະ​ອາຫານ ເພື່ອ​ຄົ້ນຄວ້າ​ປະ​ເພດ​ລາຍການ​ອາຫານ ແລະ ຮູບ​ແບບ​ການ​ບໍລິການ​ຮັບ​ໃຊ້.

ເປີດ​ກອງ​ປະຊຸມ​ປືກສາ​ຫາລື​ພາຍ​ໃນ​ຄະນະ​ກຳມະການ​ທີ່​ພັກ, ອາຫານ, ປະດັບ​ປະດາ ​ແລະ ທ່ອງ​ທ່ຽວ​ຕາມ​ແຜນ​ປົກກະຕິ ເພື່ອ​ກວດກາ​ວຽກ​ງານ​ຜ່ານ​ມາ ​ແລະ ວາງ​ແຜນການ​ວຽກ​ງານ​ໃນ​ໄລຍະ​ຕໍ່​ໄປ.

ແຜນ​ການເດືອນ 03/2009 ​ຂອງ​ກຳມະການ ຂົນ​ສົ່ງ

ປະຊຸມ​ປືກສາ​ຫາລື​ກັບ​ກຳມະການ​ກໍ່ສ້າງ ​ແລະ ພາກສ່ວນ​ທີ່​ກ່ຽວຂ້ອງ ກ່ຽວ​ກັບ​ການ​ອອກ​ແບບ ​ແລະ ​ແຕ້ມ​ຜັງ​ບ່ອນ​ຈອດ​ລົດ.

ຈັດ​ກອງ​ປະຊຸມ​ກັບ​ຜູ້​ປະກອບ​ການ​ຂົນ​ສົ່ງ​ໂດຍສານ ເພື່ອ​ຊອກ​ຫາ​ລົດ​ເມ​ຂະໜາດ 20 ບ່ອນ​ນັ່ງຂື້ນ​ໄປ ​ເພື່ອ​ແລ່ນ​ຮັບ​ໃຊ້​ບໍລິການ​ມວນ​ຊົນ.

ສົມທົບ​ກັບ​ພາກສ່ວນ​ທີ່​ກ່ຽວຂ້ອງ​ລົງ​ກວດກາ​ສະຖານ​ທີ່​ການ​ຈອດ​ລົດ ​ແລະ ສາຍ​ທາງ​ການ​ຂົນ​ສົ່ງ.

ແຜນ​ວຽກ​ທີ່ຈະປະຕິບັດໃນຕໍ່ໜ້າ​ຂອງ​ກຳມະການ​ການ​ເງີ​ນ

ກຳມະການ​ການ​ເງີ​ນຈະ​ໄດ້​ດຳ​ເນີນ​ຂັ້ນ​ຕອນ ການ​ຂໍ​ອະນຸມັດ​ນຳ​ໃຊ້​ເງີ​ນ ເພື່ອ​ເປັນ​ການ​ຮັບ ປະກັນ​ໃຫ້​ສາມາດ​ຕອບ​ສະໜອງ​ລາຍ​ຈ່າຍ​ໃຫ້ 15 ກຳມະການ ຕາມ​ແຜນ​ທີ່​ໄດ້​ສະ​ເໜີ​ມາ​ຈຳ ນວນ 94.5 ຕື້ກີ​ບ.

ສຳລັບ​ຈຳນວນ​ເງີ​ນ 259.58 ຕື້ກີບ ຕາມ​ການສະ​ເໜີ​ໃໝ່​ຂອງ​ກຳມະການ​ທີ່​ມີ​ຄວາມ​ຈຳ​ເປັນ​ດ້ານ​ລາຍ​ຈ່າຍ​ເພີ້ມ​ເຕີມ ​ເພື່ອ​ຮັບ​ໃຊ້​ໜ້າ​ທີ່​ວຽກ​ງານ​ການ​ເມືອງ​, ຊຶ່ງ​ຍັງ​ເຫັນ​ວ່າ​ບໍ່​ທັນ​ພຽງພໍ​ກັບ​ຄວາມ​ຕ້ອງການ​ຈ​ຳນວນ 165.08 ຕື້ກີບ ​ແມ່ນ​ຈະ​ໄດ້​ມີ​ການ​ປືກສາ​ຫາລື ດ້ວຍ​ຮູບ​ການ​ຊອກ

ແຫ​ລ່ງ​ເງີ​ນ ເຊັ່ນ :

- ການຈັດ​ສັນ​ລາຍກາ​ນທີ່​ສາມາດ ​ເລື່ອນ​ເອົາ​ໄປ​ຊຳລະ​ໃນ​ປີ​ຕໍ​່ໄປ ​ເພື່ອ​ຈະ​ເອົ​າ​ເຂົ້າ​ແຜນ​ງົບ​ປະມານ​ຂອງ​ສົກ​ປີ 2009-2010.

- ນຳ​ສະ​ເໜີ​ລັດຖະບານ​ອະນຸມັດ​ໃຫ້​ກະຊວງ​ການ​ເງີ​ນ ອອກ​ຫວຍ​ກິລາ​ຊີ​ເກ​ມ ​ໂດຍ​ຜ່ານ​ລັດ​ວິ​ສາ​ຫະກິດ​ຫວຍ​ພັດທະນາ, ຊຶ່ງ​ຄາດ​ວ່າ ຈະ​ໄດ້​ເງີ​ນປະມານ 40 ຕື້ກີບ.

- ການ​ລະດົມ​ພາຍ​​ໃນ.

3. ກຳມະການ ການ​ເງີ​ນ ຈະ​ໄດ້​ສືບ​ຕໍ່​ເຂົ້າ​ຮ່ວມ​ຂະ​ບວນ​ການ​ຕິດຕາມ ຄວາ​ມຄືບ​ໜ້າ​ໃນ

ການ​ກະກຽມ​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25 ຢ່າງ​ເປັນ​ປົກກະຕິ ຕາມ​ແຜນ​ຂອງ​ຄະນະ

ຈັດ​ງານ​ມະຫາ​ກຳ​ກິລາ​ຊີ​ເກ​ມຄັ້ງທີ 25 ເພື່ອ​ຮັບປະກັນ​ຕໍ່​ກັບ​ການ​ຊຳລະ​ເງີ​ນ​ໃຫ້​ແຕ່​ລະກຳ

ມະ​ການ​ໄດ້​ທັນຕາ​ມກຳນົດ​ເວລາ.

ແຜນ​ວຽກ​ໃນຕໍ່​ໜ້າ​ຂອງ​ກຳມະການ​ໂຄສະນາ-ຂ່າວສານ
ສືບຕໍ່​ວຽກ​ງານ​ໂຄສະນາ​ປະຊາສຳພັນ ຢູ່​ບັນດາ​ສື່​ມວນ​ຊົນ.

ຈະ​ຈັດ​ກອງ​ປະຊຸມ​ຄນະ​ກຳມະການ​ໂຄສະນາ ​ແລະ ຂ່າວສານ ເພື່ອ​ກວດກາ​ວຽກງານ​ທີ່​ໄດ້​ປະ ຕິບັດ​ຜ່ານ​ມາ, ປືກສາ​ຫາລື​ວຽກ​ງານ​ຕ່າງໆ ແລະ ວາງ​ແຜນ​ປະຕິບັດ​ງານ​ໃນ​ຂັ້ນ​ຕໍ່​ໄປ.
ຈະ​ຈັດ​ກອງ​ປະຊຸມ​ບັນດາ​ອະນຸກຳມະການ​ ​ເພື່ອ​ສືບຕໍ່​ຈັດຕັ້ງປະຕິບັດ​ວຽກ​ງານ​ດ້ານ​ຕ່າງໆ ໂຄ ສະນາ​ປະຊາສຳພັນ ເຂົ້າ​ສູ່​ອັນ​ລະອຽດ ​ແລະ ຕົວ​ຈີ່​ງຕື່ມ​ອີກ.

ປະສານ​ກັບ​ທຸກໆ​ຂະ​ແໜງການ ແລະ ​ແຂວງ​ຕ່າງໆ ເພື່ອ​ເກັບ​ກຳ ​ແລະ ຂື້ນບັນຊີ​ນັກ​ຖ່າຍ​ທຳ

( ມື​ກ້ອງ ) ໃຫ້​ໄດ້ 100 ກວ່າ​ຄົນ ເພື່ອ​ຈະ​ເຊີນ​ເຂົ້າຮ່ວມ​ຊຸດ​ຝຶກ​ອົບຮົມ​ມື​ກ້ອງ​ຊຸດ​ທຳ​ອິດ​ຢູ່​ວຽງ​ຈັນ​ໃນ​ທ້າຍ​ເດືອນ ມີນາ 2009 ນີ້.
ແຜນ​ວຽກ​ທີ່ຈະໄດ້ສືບຕໍ່ປະຕິບັດ​ຂອງ​ກຳມະການ​ພິທີ ເປິດ​-ປີດ ​ແລະ ວັດທະນະທຳ

1./. ໜ້າ​ວຽກ​ທີ່​ຈະ​ສືບຕໍ່​ຂອງ​ອະນຸກຳມະ​ການ​ແຫ່-ແລ່ນທວນ​ໄຟ

- ສືບ​ຕໍ​່ການ​ປະສານ​ງານ ອຸປະກອນ​ຮັບ​ໃຊ້​ໃນການ​ແຫ່-​ແລ່ນ​ທວນ​ໄຟ ​ແລະ ການ​ຜະລິດ​ບັ້ງ​ທວນ​ໄຟ, ​ເຕັກນິກ​ການ​ຈູດ​ທວນ​ໄຟ ​ແລະ ​ເຕັກນິກ​ການ​ຈູດ​ບັ້ງ​ໄຟ​ພຸ​ແບບ​ປະດັບ​ເອ້​ໃຫ້​ມີ​ສີສັນ ແລະ ອາ​ລັງກາ​ນ.

- ສືບຕໍ່​ພົວພັນ​ບໍລິສັດ ​ເພື່ອ​ຈັດ​ຊື້ອຸປະກອນ​ຮັບ​ໃຊ້ ​ແລະ ​ເຄື່ອງນຸ່ງຂອງ​ຄະນະ​ຮັບຜິດ ຊອບ ​ແລະ ນັກ​ກິລາ​ໃຫ້​ຄົບ​ຖ້ວນ, ນອກ​ນັ້ນ ການ​ຜະລິດ​ອຸປະກອນ​ອື່ນໆ​ເຊັ່ນ : ​ເຄື່ອງ ໝາຍ​ຈຸດ​ແລ່ນ ແຕ່ລະ​ຈຸດ, ທຸງ​ຊີ​ເກ​ມ, ທຸງຊາດ, ທຸງ​ກິລາ, ທຸງ​ບັນດາ​ປະ​ເທດ​ທີ່​ເຂົ້າ​ຮ່ວມ, ຫລັກ​ທຸງ, ​ເຕົ້າ​ຕະກຽງ​ຮັກສາ​ໄຟ.

- ສືບຕໍ່​ພົວພັນ​ດ້ານ​ງົບປະມານ​ຮັບ​ໃຊ້​ວຽກງານ​ຂອງ​ອະນຸ​ກຳມະການ.

2./. ໜ້າ​ວຽກທີ່​ຈະ​ສືບຕໍ່​ຂອງ​ອະນຸ​ກຳມະການ​ສວນສະໜາມ

- ສືບຕໍ່​ຜ່ານ​ຮ່າງ​ວາລະ​ພິທີ​ເປິ​ດ-ປິດ ​ເພື່ອ​ນຳ​ສະ​ເໜີຕໍ່​ປະທານ​ຈັດ​ງານ, ​ໃຫ້​ເປັນ​ເອກ ກະສານ​ທີ່​ສົມບູນ​ແບບ.

- ຈະ​ໄດ້​ຈັດການ​ຝຶກ​ອົບຮົມ ​ໃຫ້​ຫົວ​ແຖວ​ຂອງ​ກ້ອນ​ສວນສະໜາມ ​ແລ​ະ ນາງ​ສາວ​ຖື​ປ້າຍງານ.

- ຈະ​ໄປ​ປະສານ​ກັບ​ກະຊວງ​ຖະ​ແຫລ​ງຂ່າວ ​ແລະ ວັດທະນະທຳ ​ໃນ​ການຈັດ​ແຜນ​ງົບ ປະມານ.

- ໄປ​ກວດກາ​ເບິ່ງ​ສະໜາມ​ຕົວ​ຈີ​ງ ​ເພື່ອ​ອອກ​ແຜນ​ວາດ​ໃນ​ການ​ເຂົ້າ​ອອກ​ສະໜາມ​ໃນ​ພິທີ​ເປີດ-ປິດ ຊີ​ເກ​ມຄັ້ງທີ 25, ປີ 2009.

- ເຂົ້າ​ການ​ຝຶກ​ຊ້ອມ ຕາມ​ແຜນ​ຕາຕະລາງ​ການ​ດຳ​ເນີນ ແລະ ການ​ຝຶກ​ແອບ​ຂອງ​ອະນຸ​ກຳ ມະການ​ສວນສະໜາມ.

- ສ້າງ​ຕາຕະລາງ​ເພື່ອ​ປະຊຸມ​ຮ່ວມ​ກັບ​ກຳມະການ​ທີ່​ກ່ຽວຂ້ອງ​ກັບ​ພິທີ​ ເປິ​ດ-ປິດ ​ເພື່ອ​ແຈ້ງ​ກ່ຽວ​ກັບ​ໜ້າ​ທີ່​ວຽກ​ງານ​ທີ່​ປະສານ​ງານ​ຮ່ວມ​ກັບ 4 ກຳມະການ​ກອງ​ເລຂາ ຄື : ກຳ​ມະ​ການ​ບໍລິຫານ- ບໍລິການ, ກຳມະການ​ຂົນ​ສົ່ງ, ກຳມະການ​ແພດ, ກຳມະການ​ສະຖານ​ທີ່.

- ຈະ​ໄດ້​ປະສານ​ກັບ​ອະນຸ​ກຳມະການ​ເຕັກນິກ ​ແລະ ກຳມະການ​ກະກຽມ​ນັກ​ກິລາ​ ​ເພື່ອຂໍ​ລາຍ​ຊື່​ທີ່​ຈະ​ມາ​ຕາງໜ້າ​ກຳມະການ​ຕັດສິນ ແລະ ນັກ​ກິລາ​ດີ​ເດັ່ນ​ແຜນ​ວຽກ​​ໃນ​ຕໍ​່ໜ້າ​ຂອງ​ກຳມະການ​ໂທລະ​ຄົມມະນາຄົມ ​ແລະ ​ໄອ​ທີ
ອອກ​ແບບ​ລະອຽດ ການ​ສ້າງ​ລະບົບ​ໂຄງ​ລ່າງ​ພື້ນຖານ​ດ້ານ​ໂທລະ​ຄົມ​ໃນ​ແຕ່​ລະສະ​ໜາມ​ດ້ານ​ການ​ແຂ່ງຂັນ ແລະ ​ໃຫ້​ແຕ່​ລະ​ບໍລິສັດ ຈັດ​ຊື້ສາຍ​ໃຍ​ແສງ​ເຂົ້າ​ມາ​ໂດຍ​ດວ່ນ.
ສົມທົບ​ກັບ​ ມາ​ເລ​ເຊຍ ວາງ​ແຜນ​ທາງ​ດ້ານ​ເຕັກນິກ​ລະອຽດ ​ໃນ​ການ​ຕິດ​ຕັ້ງ​ລະບົບ​ຊອບ​ແວ ​ແລະ ຮາດ​​ແວ ​ໃນ​ແຕ່​ລະສະ​ໜາມ​ການ​ແຂ່ງຂັນ.
ຂື້ນ​ແຜນ​ລະອຽດ​ໃນ​ທີ່​ຕັ້ງສູນ​ໂທລະ​ຄົມ ​ແລະ ​ໄອ​ທີ, ຄວາມ​ຕ້ອງການ​ທາງ​ດ້ານ​ຄອມ​ພີ​ວ​ເຕີ, ການ​ສ້າງ​ເວ​ບ​ໃຊ​ໃນ​ຈຸດ​ຂ່າວສານ ແລະ ການ​ລົງທະບຽນ.

ຄົ້ນຄວ້າ​ນະ​ໂຍບາຍ​ການ​ນຳ​ໃຊ້​ໂທລະສັບ​ມື​ຖື ໃນ​ໄລຍະ​ດຳ​ເນີນ​ການ​ແຂ່ງຂັນ.

ສືບຕໍ່​ພົວພັນ​ກັບ​ຫວຽດນາມ ​ໃນ​ການ​ນຳ​ໃຊ້​ລະບົບ​ໂຟນີ.

ເຮັດ​ວຽກ​ກັບ​ຊ່ຽວຊານ​ຫວຽດນາມ ທີ່​ຈະ​ເຂົ້າ​ມາ​ສຳ​ຫລວດ​ໃນ​ການ​ຄຸ້ມ​ຄອງ​ຄື້ນຄວາມ​ຖີ່​ວິທະຍຸ​ໃນ​ງານ​ຊີ​ເກ​ມ. ( ຫວຽດນາມ​ໃຫ້​ຢືມ​ອຸປະກອນ​ໃນ​ການ​ຄຸ້ມ​ຄອງ​ຄວາມ​ຖີ່ )

ກະກຽມ​ຂັ້ນ​ຕອນ​ການຈັດ​ຊື້ອຸປະກອນ​ທີ່​ຈຳ​ເປັນ.

ປັບປຸງ​ຄະນະ​ກຳມະການ​ໂທລະ​ຄົມ ​ແລະ ​ໄອ​ທີ ຄືນ​ໃໝ່​ໃຫ້​ສອດ​ຄອງ​ກັບ​ຄວາມ​ຮັບຜິດ ຊອບ​ຕົວ​ຈີ​ງ.
ແຜນການ​ເຄື່ອນ​ໄຫວ​ຂອງ​ກຳມະການ​ການ​ຕະຫລາ​ດ ​ແລະ ສິດທິ​ປະ​ໂຫຍ​ດ

ສືບຕໍ່​ເຂົ້າ​ຮ່ວມ​ກອງປະຊຸມ​ຕ່າງໆ ກ່ຽວ​ກັບ​ວຽກ​ງານ​ກິລາ​ຊີ​ເກ​ມຄັ້ງ​ທີ່ 25, ປີ 2009.

ສືບຕໍ່​ເຂົ້າ​ຮ່ວມ​ນຳ​ຄະນະ​ຊີ​ເກ​ມ ​ໄປ​ກວດກາ​ເບິ່ງ​ສະຖານ​ທີ່​ຈອດ​ລົດ ​ແລະ ​ແຜນການ​ເດີນ​ລົດ

( ​ແຜນ​ຈໍລະ​ຈອນ ).

ຕິດຕາມ​ເອກະສານ​ຮ່າງ​ຈົດໝາຍ​ເຖີງບັນດາ​ກະຊວງ, ບັນດາ​ແຂວງ​ຕ່າງໆ ພ້ອມ​ທັງ​ກະ ກຽມ​ໃບ​ແຈ້ງ​ເຈດ​ຈຳນົງ​ສົ່ງ​ໃຫ້​ບັນດາ​ພາກສ່ວນ​ຕ່າງໆ ເພື່ອ​ຂໍ​ການ​ສະໜັບສະໜູນ.

ພົວພັນ​ກັບ​ກະຊວງ​ການ​ຕ່າງປະ​ເທດ ​ເພື່ອ​ແຈ້ງ​ໃຫ້​ບັນດາ​ທູດ, ອຸປະ​ທູດ ​ແລະ ພໍ່​ແມ່​ປະ ຊາຊົນ​ທີ່ຢູ່​ຕ່າງປະ​ເທດ ​ເພື່ອ​ໃຫ້​ຮູ້​ຂ່າວ​ກ່ຽວ​ກັບ​ການຈັດ​ງານ​ຊີ​ເກ​ມຢູ່ ສປປ ລາວ ພ້ອມ​ທັງ​ແຈ້ງ​ການ​ໃຫ້​ອຸປະຖຳ.
ຕິດຕາມ​ເອກະສານ ໃບ​ກຽດ​ຕິ​ຄຸນ, ​ໃບ​ຍ້ອງຍໍ ໃຫ້​ແກ່​ບັນດາ​ບຸກຄົນ, ນິຕິບຸກຄົນ, ບໍລິສັດ​ຕ່າງໆ ທີ່​ໃຫ້ການ​ສະໜັບສະໜູນ​ກິລາ​ຊີ​ເກ​ມ.

ສືບຕໍ່​ຕິດຕາມ​ສະ​ເໜີ​ຫາ​ທ່ານ ປະທານ ຄະນະ​ຈັດ​ງານຊີ​ເກ​ມຄັ້ງທີ 25 ເພື່ອ​ຂໍ​ອອກ​ຫວຍ​ກິລາ.

ສື​ບຕໍ່​ຕິດຕາມ​ທາ​ບທາມ ນຳ​ບັນດາ​ບຸກຄົນ, ນິ​ຕິ​ບຸກຄົນ, ບໍລິສັດ​ຫ້າງ​ຮ້ານ​ຕ່າງໆ​ທີ່​ໄດ້​ແຈ້ງ​ເຈດ ຈຳນົງ.

ສືບຕໍ່​ສົມທົບ​ກັບ​ນະຄອນຫລວງ ກວດກາ​ສະຫລຸບ​ກ່ຽວ​ກັບ​ບັດ​ໂຕະ​ໃນ​ຄືນ​ວັນ​ທີ 31 ທັນ ວາ 2008 ເພື່ອ​ລາຍ​ງານ​ໃຫ້​ຂັ້ນ​ເທີ​ງ.

ອອກ​ແບບ​ປີ້​ເຂົ້າ​ຊົມ ​ແລະສົມທົບ​ກັບ​ພາກສ່ວນ​ກ່ຽວຂ້ອງ ​ເພື່ອ​ນຳ​ສະ​ເໜີ​ຕໍ່​ຂັ້ນ​ເທີ​ງ.

ແຜນ​ວຽກ​ໃນ​ຕໍ່ໜ້າ​ຂອງ​ກຳມະການ ພິທີການ​ທູດ ​ແລະ ຕ້ອນຮັບ​ແຂກ

ເປີດ​ກອງ​ປະຊຸມ​ຄົບ​ຄະນະ ຂອງ​ຄະນະ​ກຳມະການ​ພິທີການ​ທູດ ​ແລະ ຕ້ອນຮັບ​ແຂກ ອະນຸ​ກຳມະການ​ຕ່າງໆ​ຄັ້ງທີ 3 ເພື່ອ​ລາຍ​ງານ​ຜົນ​ການ​ກະກຽມ​ໄລຍະ 2.

ອະນຸ​ກຳມະການ​ຕ່າງໆ ສືບຕໍ່​ຈັດຕັ້ງ ​ແລະ ປະຕິບັດ​ແຜນການ​ກ່ຽວ​ກັບ​ໜ້າ​ວຽກ​ຂອງ​ຕົນ​ທີ່​ຮັບ ຜິດຊອບ.

ອະນຸ​ກຳມະການ​ທັງ​ໝົດ ​ໃຫ້​ຈັດຕັ້ງການ​ຝຶກ​ອົບຮົມ​ທິດ​ສະ​ດີ ແລະ ຝຶກ​ການ​ປະຕິບັດ​ພາກ​ຕົວ​ຈີ​ງ​ໃຫ້​ພະນັກງານ​ເປັນ​ໄລຍະ​ເພື່ອ​ກຽມ​ຄວາມ​ພ້ອມ​ໃຫ້​ແກ່​ການ​ຕ້ອນຮັບ​ໃຫ້​ໄດ້​ດີ.

ສືບຕໍ່​ເກັບ​ກຳ​ຂໍ້​ມູນ, ຈັດ​ພິມ​ປື້ມຄູ່​ມື​ຂອງ​ຄະນະ​ກຳມະການ​ພິທີການ​ທູດ ​ແລະ ຮັບ​ຕ້ອນ ໃຫ້​ສຳ​ເລັດ.

ອະນຸ​ກຳມະການ​ຮັບຜິດຊອບ LO ແລະອາສາ​ສະໝັກ​ພາກສ່ວນ​ຕ່າງໆ ພ້ອມ​ທັງ​ຈັດ​ຝຶກ ​ອົບຮົມ ​ແລະ ລົງ​ຕົວ​ຈິງ, ຊຶ່ງ​ຈະ​ເລີ້ມ​ແຕ່​ວັນ​ທີ 25/03/2009 ເປັນ​ຕົ້ນ​ໄປ​ເປັນ​ຊຸດ​ທີ່ 1.

ແຜນ​ວຽກ​ໃນຕໍ່ໜ້າ​ຂອງ​ກຳມະການ​ການ​ແພດ ​ແລະ ຄວບ​ຄຸ້ມ​ສານ​ກະ​ຕຸ້ນ
ກຽມ​ເບີກ​ຈ່າຍ​ເງີ​ນ​ໃຫ້​ແຕ່ລະ​ໜ່ວຍ​ງານ​ ​ເພື່ອ​ໄປ​ຈັດຕັ້ງປະຕິບັດ​ກິດຈະກຳ​ຕາມ​ແຜນທີ່​ວາງ​ໄວ້.

ສຳລັບ​ສາທາລະນະ​ສຸກນະຄອນຫລວງ​ວຽງ​ຈັນ ແມ່ນ​ປະຕິບັດ​ວຽກ​ງານ​ຕາມ​ແຜນ​ປ​ົກ ກະຕິ​ທີ່​ໄດ້​ເຮັດ​ຜ່ານ​ມາ.

ໄປ​ຢ້ຽມຢາມ ​ແລະ ຖອດ​ຖອນ​ບົດຮຽນ​ກ່ຽວ​ກັບ​ການ​ແພດ, ຄວາມ​ປອດ​ໄພ​ຂອງ​ອາຫານ ແລະ ການ​ຄວບ​ຄຸມ​ສານ​ກະ​ຕຸ້ນ​ຢູ່ ສ.ສ ຫວຽດນາມ ​ເຊິ່ງມີ​ແຜນການ​ເດີນທາງ​ໃນ​ວັນ​ທີ 18-22/5/ 2009.

ການ​ອົບຮົມ​ທີ​ມ​ແພດ, ພະຍາບານ, ນັກ​ກາ​ຍະ​ບຳບັດ ​ແລະ ການ​ອົບຮົມ​ເຈົ້າ​ໜ້າ​ທີ່​ເກັບ​ປັດ​ສະ ວະ​ເພື່ອ​ກວດ​ຫາ​ສານ​ຕ້ອງ​ຫ້າມ.

ສູນ​ບໍລິຈາກ​ເລືອດ ​ແມ່ນ​ຈະ​ໄດ້​ສ້າງ​ຂະ​ບວນການ​ຮັບ​ບໍລິຈາກ​ເລືອດ ຢູ່​ສູນ​ບໍລິຈາກ​ເລືອດ​ສູນ​ກາງ ​ແລະ ອອກ​ເຄື່ອນ​ໄຫວ​ຮັບ​ບໍລິຈາກ​ເລືອດ​ຕາມ​ສະຖານ​ທີ່​ກຸ່ມ​ເປົ້າ​ມາຍ​ຕ່າງໆ ໃຫ້​ໄດ້ 45 ຄັ້ງຄາດໝາຍ​ໃຫ້​ໄດ້​ເລືອດ​ມີ​ແຮ​ໄວ້​ຈຳນວນ 150 ຖົງ​ຕໍ່​ວັນ.

ປະສານ​ງານ​ກັບ​ໜ່ວຍ​ງານ​ບໍລິຈາກເລືອດຂັ້ນໂຮງໝໍ ເພື່ອເຮັດໃຫ້ການບໍລິການສາມາດເຄື່ອນ ໄຫວໄດ້ເປັນປົກກະຕິ.

ຄະນະກຳມະການກອງເລຂາ

ຈັດງານມະຫາກຳກິລາຊີເກມຄັ້ງທີ 25, ປີ 2009

ບົດລາຍງາຍຄວາມຄືບໜ້າການກະກຽມຊີເກມ ປະຈຳເດືອນ 5 -6 (Report Seagames May-June)